اخبار يوم الغضب لحظة بلحظة

تذكير بمساهمة فاتح الموضوع :

[center]عتقالات بالجملة بميدان طلعت حرب

ارتفاع عدد شهداء السويس الى 2 بالإضافة لمقتل جندي أمن مركزي

تعتيم اعلامى واضح جدا من قبل القنوات الاخبارية

ول ضحايا اليوم هو مصطفى رضا محمود عبد الفتاح (20 سنة) بعد إصابته برصاصة في القلب، واصيب 100 مواطن آخرين في اشتباكات بين الأمن والمتظاهرين في السويس

شركات المحمول قفلت الخدمة عن المتظاهرين فى ميدان التحرير


قام المتظاهرون فى سيدى جابر بالإسكندرية بقلب سيارة شرطة وهو ما أدى لإلقاء الأمن قنابل مسيلة للدموع عليهم وكان عددهم 3 آلاف متظاهر

الداخلية تنفي مقتل شرطي في المظاهرات.. وتؤكد: لا نمانع في مبيت المتظاهرين بالشوارع

مسيرتين قادمتين من جهة الجيزة تنضمان لاعتصام ميدان التحرير

البرادعــي يعلن عن عودته مساء الغد ليشارك في مظاهرات يـــوم الجمعة في الشارع وسط الشباب...

---------------------
وعلى راى القرموطى يابرادعى بالراحة شوية المانجة مهياش نووية ههههههههه
بطلوا نفاق بقى

[URL=https://2img.net/r/ihimizer/i/16480212429238764153810.jpg/][img][ندعوك للتسجيل في المنتدى أو التعريف بنفسك لمعاينة هذا الرابط]

السويس على خط النار
------------------------------
اى خدمة صورة طازة لسه حتى ماوصلتش الجزيرة

[URL=https://2img.net/r/ihimizer/i/img71993430x250.jpg/][img][ندعوك للتسجيل في المنتدى أو التعريف بنفسك لمعاينة هذا الرابط]



الأمن يطلق القنابل المسيلة للدموع والرصاص المطاطي على آلاف المحتجين في طلعت حرب

لجزيرة : مقتل شخصين في مظاهرات لاتزال جارية بمنطقة وكالة البلح وسط القاهرة

السويس : الشباب تحت تأثير القمع يدخلون القسم ويأخذون المحاضر الموجودة بالقسم ويخروجون المكاتب خارج القسم

عمرو واكد : انا مع حق الناس في التعبير عن رايها ، واخي"محمد واكد" لديه 2ماجستير وتم اعتقاله ، ولا أعرف حتى أين مكانه

شتباكات عنيفة بين المواطنين والأمن أمام مبنى وزارة الخارجيــة

[center][b][font:ffc3=Arabic Transparent][color:ffc3=#ff0000]قالولي بتحب مصر فقلت مش عارف[/color][/font][/b]
[font:ffc3=Arabic Transparent][b][color:ffc3=red]قالولي بتحب مصر فقلت مش عارف[/color]
المعنى كعبة وانا بوَفْد الحروف طايف
وألف مغزل قصايد في الإدين لافف
قالولي بتحب مصر فقلت مش عارف
أنا لما اشوف مصر ع الصفحة بكون خايف

ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
ويلبّسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقيّة التماثيل
ولا ام كلثوم في خِمسانها ولا المنديل
الصبح في التاكسي صوتها مبوظُّه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل

[color:ffc3=#ff0000]قالولي بتحب مصر فقلت مش عارف[/color]
لكني عارف بإني إبن رضوى عاشور
أمي اللي حَمْلَها ما ينحسب بشهور
الحب في قلبها والحرب خيط مضفور
تصبر على الشمس تبرد والنجوم تدفى
ولو تسابق زمنها تسبقه ويحفى
تكتب في كار الأمومة م الكتب ألفين
طفلة تحمّي الغزالة وتطعم العصفور
وتذنِّب الدهر لو يغلط بنظرة عين
وبنظرة أو طبطبة ترضى عليه فيدور

وأمي حافظة شوارع مصر بالسنتي
تقول لمصر يا حاجّة ترّد يا بنتي
تقولها احكي لي فتقول ابدأي إنتي

وأمي حافظة السِيَر أصل السِيَر كارها
تكتب بحبر الليالي تقوم تنوَّرْها
وتقول يا حاجة إذا ما فرحتي وحزنتي
وفين ما كنتي أسجل ما أرى للناس
تفضل رسايل غرام للي يقدّرها

أمي وأبويا التقوا والحر للحرة
شاعر من الضفة برغوثي وإسمه مريد
قالولها ده أجنبي، ما يجوزش بالمرة
قالت لهم ياالعبيد اللي ملوكها عبيد
من إمتى كانت رام الله من بلاد برة
يا ناس يا أهل البلد شارياه وشاريني
من يعترض ع المحبة لما ربّي يريد

كان الجواب ان واحد سافر اسرائيل
وانا أبويا قالوله يللا ع الترحيل

دلوقت جه دوري لاجل بلادي تنفيني
وتشيِّب أمي في عشرينها وعشريني
يا أهل مصر قولولي بس كام مرة
ها تعاقِبوها على حُبَّ الفلسطيني

[color:ffc3=#ff0000]قالولي بتحب مصر فقلت مش عارف[/color]

بحب أقعد علىالقهوة بدون أشغال
شيشة وزبادي ومناقشة في مآل الحال
وبصبصة ع البنات اللي قوامهم عال
لكن وشوشهم عماير هدها الزلزال
بحب لمعي وحلابِسَّة ومُحِّب جمال
أروح لهم عربية خابطة في تروللي
كإنها ورقِة مِسودّة مرميّة
جوّاها متشخبطة ومتكرمشة هيّه
أو شلّة الصوف، أو عقدة حسابيّه
سبعين مهندس ولا يقدر على حلي
فيجيبوا كل مفكّاتهم وصواميلهم
ويجرّبوا كل ألاعيبهم وتحاييلهم
ساعات كمان يغلطوا ويجربوا فيّه
بس الأكيد أنهم بيحاولوا في مشاكلي
وإنها دايماً أهون من مشاكلهم

أحب اقعد على القهوة مع القاعدين
وابص في وشوش بشر مش مخلوقين من طين
واحد كإنه تحتمس، يشرب القرفة
والتاني غلبان يلف اللقمة في الجرانين
والتالتة من بلكونتها تنادي الواد
والواد بيلعب وغالبهم ثلاثة اتنين
أتوبيس كإنه كوساية محشي بني آدمين
أقول بحكم القاموس، إن الهواء جماد
واشم ريحة شياط بس اللي شايفه رماد
عكازة الشيخ منين نابت عليها زناد
يسند على الناس ويعرج من شمال ليمين
والراديو جايب خبر م القدس أو بغداد

[color:ffc3=#ff0000]قالولي بتحب مصر فقلت مش عارف[/color][/b][/font]
[font:ffc3=Arabic Transparent][b]
قطر الندى قاعدة بتبيع فجل بالحزمة
أميرة عازز عليها تشحت اللقمة
عريانة ما سترها الا الضل والضلمة
والشعر الابيض يزيد حرمة على حرمة
والقلب قايد مداين زي فرشة نور
والفرشة واكلاها عتة والمداين بور
اللي يشوفها يقول صادقة حكاوي الجن
واللي يشوفها يقول كل الحقايق زور

عزيزة القوم عزيزة تشتغل في بيوت
عشر سنين عمرها لكن حلال ع الموت
صبية تمشي تقع ويقولو حكم السن
وسِتّها شعرها أصفر وكلّه بُكَل
كإنها مربية فيه اربعين كتكوت
ووشها زي وش الحاكم العربي
كإن خالقها راسمها على نبوت
تحكم وقطر الندى تسمع لها وتئن
أصل البعيدة وليّة أمرها، عجبي
على الهوا بحجة الكسوة يقيموا له سور

أحكي يا قطر الندى والا ما لوش لازمة
حكاية ابن الأصول تفضل معاه لازمة
فيه ناس بتلدغ وناس ليها البكا لازمة
ياللي سطلت الخليفة بجوز عينين وشعور
كنت سما للأغاني والأغاني طيور
مين اللي باعك، عدوك، بعض أولادك
مين اللي كانوا عبيدك صاروا أسيادك
مين اللي سمى السلاسل في إديك دِبَل
مين اللي خط الكتاب مين كانوا أشهادك
وازّاي متى سألوكي "هل قبلتِ به"
سكتِّ ومشيتِ يا مولاتي في الزفة
لبنان وغزة وعراق فينا العدو تشفى
حطوا جثثنا يا حاجة تحت سجادك
ووقفت تستنى خيط الدم يبقى بحور

[color:ffc3=#ff0000]قالولي بتحب مصر فقلت مش عارف[/color]
لا جيتها سايح ولاني أعمي مش شايف
بلد علمها انمزع والرفّا في المساجين
ومهر مربوط في كارو وباله في البساتين
وابو زيد سلامة على كرسي وكيس جلوكوز
لجنة مشايخ تناقش فتوة الأراجوز
سؤال نعيش أو نموت، فيه لا يجوز ويجوز

لو السقوف خايخة نسندها بحجارة وطوب
لكن ده لوح القزاز كله ضرب تشريخ
لو الولد حرف في الآية، ها يبقى يتوب
بس المصيبة إذا الآية اخترعها الشيخ

يا مصر كومة حروف إبر المعاني فين
إبر بتجرح إيدينا قبل ما بتبان
نسرك في بال السما بيقول حدودها منين
نسرك بياكله الصدا في بدلة السجان

يا قلعة السجن يا قلعة صلاح الدين
أنا بقولك وأهلي ع الكلام شاهدين
لو كنت حرة ما كناش نبقى محتلين

والناس شكاير صريخ رابطين عليها سكوت
آهات سَكوتَة كإن الأرض مستشفى
مطرودة منها الدكاترة ف سجن أو منفى
والناس بتسأل هنصبر والا نتوفى
فيه ناس تقول زي بعضه دول نوعين م الصبر
وناس تقول زي بعضه دول نوعين م الموت
يا مصر بعض التسامح يبقى عار وبأجر
إفتكري "لا تحسبّن" مكتوبة فوق كام قبر
والتار يبات يصحى تاني لو يشيب الدهر
والتار حصان غير لصاحبه ما يلين ضهر
والتار تار العرب وعشان كده تار مصر

[color:ffc3=#ff0000]قالولي بتحب مصر فقلت مش عارف[/color]
لا جيتها سايح ولاني أعمى مش شايف
ولاني هايف اردّ بخفّة وبسرعة
وكل من رد يا كذاب يا هايف

أصل المحبة بسيطة ومصر تركيبة
ومصر حلوة ومُرَّة وشِرْحة وكئيبة
دا نا اختصر منصب الشمس وأقول شمعة
ولا اختصر مصر وانده مصر يا حبيبة

يا أهل مصر اسمعوني واسمعو الباقيين
إن كنت انا رحّلوني كلنا راحلين
يا أهل مصر يا أصحابي يا نور العين
يا شنطة المدرسة يا دفتر العناوين
يا ضغطة البنت بلكراسة ع النهدين
ترقص قصاد المراية، واحنا مش شايفين
يا صحن سلطان حسن يا صحن كحك وتين
يا ألف مدنا وجرس، لألف ملّة ودين
يا أهل مصر اسمعوني، والكلام أمانات
قلتولي بتحب مصر فقلت مش عارف
روحوا اسألوا مصر هيّه عندها الإجابات[/b][/font][/center]

القناة العاشرة الإسرائيلية: سقوط نظام مبارك سيودي بحياة اسرائيل

الله عليك ياايسو ..قول ياسيدى قوووووووول

عااااااااجل جدااااااااااا انتشار عربيات الترحيلات والامن المركزى و العربات المصفحه بالمنصوره فى الاماكن التاليهامام المدريه القديمه،مبنى المحافظه،اول شارع الدرساتو جود عربه نص نقل مليئه بالبلطجيه امام بنك C.I.Bحظر تجول بشارع مجمع المحاكم اثناء عرض المعتقلين على النيابه غلق جميع مداخل ومخارج الشارع ووجود عدد كبير من عربيات الترحيلات و الامن المركزى والعربيات المصفحه

البكاء يجتاح المستثمرين بعد تبخر أموالهم
زلزال ثورة الغضب يضرب البورصة المصرية ويفقدها 5 مليارات دولار

[center][b]لبستُ ثوبَ الرجا والناسُ قد رقدوا .. وقمتُ أشكو إلى مولايَ مـا أجـدُ
وقلتُ يا عُدتي فـي كـل نائبـةٍ .. ومن عليهِ لكشفِ الضـرِ أعتمـدُ

أشكو إليكَ أمـوراً أنـتَ تعلمهـا .. مالي على حِملها صبرٌ ولا جلـدُ
وقد مددتُ يـدي بالـذلِ مبتهـلاً . . إليكَ يا خيرَ من مُـدتْ إليـه يـدُ


اللهم انصرنا ولا تشمت بنا الاعداء




فـلا تردنَّهـا يـاربُ خائـبـةً .. فبحرُ جُودِكَ يروي كُـلَ مـا يَـرِدُ[/b][/center]

[center][size=25][color:e35d=black][b][color:e35d=red]على اسم مصر التاريخ يقدر يقول ما شاء[/color]
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر
النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
****
مصر السما الفزدقي وعصافير معدية
والقلة مملية ع الشباك .. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال
********
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
اسمعها مهموسة والا اسمعها مشخوطه
شبكة رادار قلبي جوه ضلوعي مضبوطة
[/b][/color][/size]
[size=25][color:e35d=red][b]على اسم مصر[/b][/color][/size][/center]

استمرار فرض حظر التجوال في منطقتي "الأربعين" و"الترعة" بمدينة السويس وشبكات المحمول الثلاث تواصل حجب خدماتها... مقتل أحد المتظاهرين بعد إطلاق النار عليه في مظاهرة بوكالة البلح ببولاق أبو العلا وسط القاهرة... مقتل مجند بالأمن المركزي نتيجة تدافع قوات الأمن أثناء تفريق المتظاهرين

أعلنت القوى السياسية والوطنية المشاركة في الجمعية الوطنية للتغيير أن غدًا الجمعة هو يوم الغضب الحقيقي للشعب المصري، ووجَّهوا الدعوة إلى الشعب المصري بالمشاركة في هذا اليوم، حتى يستجيب النظام الحاكم للمطالب الشعبية، وأولها حل برلمان التزوير، وإنهاء حالة الانسداد والفساد السياسي القائم.

عاااااااااجل | مؤكد
ضرب النار متبادل الان في الاربعين في السويس بين الاهالى والامن بالذخيرة الحية

عاااااااااااجل من الاسماعليه :::::الامن يلقى بعض المواد الغير معروفة صفراء اللون على المتظاهرين فى الاسماعيلية تصيب المتظاهرين بخلل فى التوازن
و يشتبك الامن مع المتظاهرين و يحاول تفريقهم بعنف

عاجل | دعوات من نشطاء تنتشر على فيسبوك لغلق "التليفونات المحمولة" تماما لساعتين بدءا من الساعة السابعة للرد على ما أسموه "تعاون" شبكات المحمول مع النظام المصري وإسقاط تغطيتهم أمس لمدينة "السويس"

لأمن يعتدى على الصحفيين أمام نقابتهم لإصرارهم على دكلمة ممنوعة مصطفى بكرى إلى السلم والأمن يعتدى عليه، ومجلس نقابة الصحفيين يتقدم ببلاغ للنائب العام ضد حبيب العادلى يتهمونه فيه بإختطاف صحفيين وتعذيبهم من ضمنهم محمد عبد القدوس وغلق نقابة الصحفيين

انباء مؤكده :::: عن تدخل الفرقه 19 طوارىء الموجوده فى مدينه السويس التابعه للجيش لمواجهه المتظاهرين بعد فشل الشرطه

لجزيرة:
اشتباكات عنيفة فى السويس
و مراسلة الجزيرة تضطر لانهاء الاتصال من شدة الضرب

الجزيرة || شركات اتصالات في مصر تمنع وصول الرسائل إلى قناة الجزيرة مباشر

الأمن يغلق ميدان الجيزة بشكل شبه تام تحسبا لمشاركة البرادعي في صلاة الجمعة بمسجد الاستقامة بالميدان.والقبض على العشرات بشكل عشوائي وتعليمات للمحال التجارية بالإغلاق طول يوم الجمعة

مظاهرات غدا أمام السفاره المصريه في باريس والقنصليه المصريه بمارسليا الساعه الثالثه عصرا بعد صلاة الجمعة تضامنا مع ثوره الغضب ومع مطالب الشعب المصري

[b]الجزيرة || شركات اتصالات في مصر تمنع وصول الرسائل إلى قناة الجزيرة مباشر[/b]
[b][color:369c=red]والله اجمل خبر قرأته[/color][/b]
[b][color:369c=#ff0000]قناة الجزيرة قناة حقيرة جدا وكفاية الفتنة اللي اشعلتها في فلسطين بين فتح وحماس [/color][/b]
[b][color:369c=#ff0000]ربنا عليهم [/color][/b]
[b][color:369c=#ff0000]دول عاوزين جنازة ويشبعوا فيها لطم[/color][/b]
[b][color:369c=#ff0000]ومش كفاية الخراب اللي بيحصل[/color][/b]