اولا اهلا بيك يا ممدوح معانا فى المنتدى ويارب تكون فى صحة جيدة
اجاوبك بقى على الاسئلة دى
اولا النت سعات بيغير فى الشخصيات منها للاحس ومنها للاسوء
بس فى الغالب بيبقى للاسواء لان الوقتى اللى بيقعد على النت ده بيقعد اما انه يحمل افلام او اغانى او انه يقعد يتكلم مع الناس
المهم انه هو بيبقى فى الغالب عاوز يضيع وقت وخلاص فى اى حاجة
ثانيا انا مش عارف ليه تلاقى كل لما تقول لواحد رايح فين
يقولك انا رايح اقعد على النت شوية
اهو نشوف اى حد نرغى معاه وعمرك مسمعته بيقولك اشوف القضية الفلانية حصل فيها ايه او اشوف ايه المواضيع الجديدة على النت
كله بيقولك رايح اقعد العب شوية على النت
والنت مش كله لعب
النت عبارة عن شبكة بها كم هائل من المعلومات
ومن ناحية ان النت ضافلى فهو ضافلى كتير
اولا انا اتعلمت منه كتير حاجات
والى الان بتفيدنى فى شغلى
وبرضه اتعلمت منه حاجات وحشة كتير
ان انا حاليا ممكن اتجاهل ناس معايا وده بقى الطبع اللى اخدته من النت الوحش ان انا ممكن اكون بكلم حد او بعمل اى حاجة على النت ومنفض للناس اللى معايا فى الواقع او مش مركز معاهم وده طبعا بيخلى الناس تزعل منى بس انا بيبقى غصب عنى
تقدر تقول النت غير حياتى بنسبة 60 بالمائة بس معظم التغيير كان للاحسن

وابقى طمنا عليك ياعم ممدوح
:22o

بصراحة انا كنت أفضل بكتير قبل موضوع النت دة كان مخى شغال . اقل الاشياء كنت مختلطة بالناس لكن دلوقت فعلا ممكن اقعد امام موقع مثلا على اعتبار انى مجال شغلى اكاديمى طول الوقت انزل فى مقالات علمية برده مااقدر انفى تيسر الوصول للمعلومات الجديدة فى مجالى ولكن على المستوى الشخصى لا انا كنت افضل ومتحدثة اكتر من دلوقت . وقت كتير بيضيع وانا مش حاسه بيه

لا اعتقد