قصة ابكتني(لاتفوتكم)

بسم الله الرحمن الرحيم
في يوم منالأيام........ وانا ماشي......... حسيت اني فاقد شي
شي ما دري ويش هو.........!
شي ما توقعت انه ينفقد ......انا كنت اعرف ان كل انسان لازم يموت
لكن الواقع كان اصعب من الخيال
رحت البيت........لقيت الناس مصفوفين عند بيتنا
لقيت الناس........ منحين روسهم يقولون يا ليتنا
قلت وش.....؟ فيه دخلت لقيت أمي تبكي......قلت لها وشك يمه؟
قالت ابوك راح ؟
قلت لها وين راح؟ راح مشوار؟
قالت لا ياولدي ابوك راح يتحاسب ويلقى جزاه.
قلت لها وضحي يمه ما أفهمك ؟؟
قالت أبوك مات .....
صرت أبكي وأقول لا يمه ....لاتذكرين هذا أبوي كني شفته مع الرجال بره..
قالت أيه شفته وهم يغسلونه .
خرجت مع الرجال من ذيك الساعه وأنا ماني في الدنيا..
ولما دخل أبوي القبر صرت أنا ظر الناس وهم يترحمون..راحووأتركوني.
بكيت ......توني بكيت....توني وعيت.
صرت أكب الرمل على رجلي وأقول أبا اندفن معك يبه.
جو أخوالي وشالوني وانا ابكي بصوتي...رحت البيت صرت صرت أناظر
أمي وهي تحكي قصة ابوي لما مات.
تقول ياولدي أبوك مات قدامي..وأرتمت على صدري وهي تبكي.
بعدها بيوم حلمت اني أشوف أبوي وهو ينازع قدامي وعيونه تتقلب في
منازعته وسبابته مرفوعه ..يتشاهد
قمت من النوم وانا مفزوع قلت الحمد لله اني ما شفت هذا المنظر.
وبعد وفاة ابوي بتسع أشهر توني أنفتحت لدنيا.
رحت البيت وشفت نفس المنظر الي شفته يوم وفاة أبوي ..قلت ايه هو
المنظرقلت مين بعد مات؟أمي عايشه وانا عايش.!
صرت أكذب نفسي وأقول لا توهم هذا اكيد واحدمن أعمامي أو أخوالي
مسوي ذبيحه.
دخلت وانا فرحان قلت هذي أول ذبيحه بعد وفاة أبوي.
لما دخلت جات خالتي وضمتني وقالت ...ياولدي ترحم على أمك.
صرت صرخه خرجت من قلبي.
صرخت...قلت أبوي وبعد أمي.
صرت وحيد في بيتنا .
وبعدها أخذت الحسافه تقتلني.
وقلت لاحول ولاقوت الا بالله .
هذا قدري ..... وماوعيتللي حيصير بعد وفاة أمي وقلت يمه... حسيت
بنقص...يمه حسيت بجفص من الناس
عاملوني مثل الاول عادي ..لكن ما لقيت المحبه والموده.
مالقيت من يدافع ويقول هذا ولدي.
يمه أنا سهران ..يمه أنا تعبان ..يمه انا ولهان...يمه أنا عطشان لشوفتك..
يمه ماتصدقين وشلون اليتيم ماسور...وشلون اليتيم مكسور... وشلون اليتيم
محزون...وشلون اليتيم منحور.
أيه ...أنا أضحك واجامل وأتكلم ولمن لاتصدقي من جا وقال لك ان ولدك مسرور.
يمه سامحيني لان الحشا تحسف..يمه سامحيني لان القلب ترعف.
يمه سامحيني لان الجوف تخوف من الناس والأهل.
يمه لونظرت لحالتي تقولي مين اللي سوى فيك هذا ياولدي؟
أقول موتك يمه.. بعادك عني وداني لدنيا مالها أول ولا أخر.
يمه حسيت الناس يجلسون معي رافه علي .
يمه حسيت حسيت الناس يضحكون معي غصب علي.
يمه حسيت الجفا بغاني وانا تريا..يمه حسيت بألآسى ظله وفيه
يمه ما قلتلك ان الأم زينة المخاليق.
يمه ماقلت لك ان الأم نجمه تلمع بين المباريق.
يمه ما قلتلك ان الأم كثر شينه ينقلب زينها.
بكيت وانا مهموم....يمه
بكيتوانا ملوم....يمه.
بكيت مثل المعاني ....بكيت ولا بقى فيني ولا ذرة من الاماني.
بكيت والحزن شالني وأهتواني.
يمه لاتغضبين علي....
صحيح مافي انسان ماقد عصى أمه اولا أبوه ولو مره.
هذا عصرنا يمه...هذا مجتمعنا يمه.
يمه انا صحيح عصيتك كثير ...لكن ماكنت أتوقع حالتي بدونك وهم.
ما كنت اتوقع حالتي بدونك الم
ولما رحتي قلت يالله شعاري بها الدنيا الندم.
يمه ليتك ترجعين لو يوم واحد أشوفك بس ...وأكلمك...أضحك لك...
وأسلم على يدينك وراسك واقدامك.
يمه صحيح ان الانسان مايعرف قيمة الشي الى اذا راح.
وقهري عليك يمه...آه من القهر... وحسافتي عليك يمه ...آه من الحسافه.
هذي حياتي يمه..هذي حالاتي يمه...هذي أمالي يمه..
يمه اليتيم شخص مكسور مايعرف وين يروح تايه بين الحيا والموت...
تايه بين الجفا والروض..يمه انا بالخير اذكرك...انا بالدمع اقلقك.
يمه انا بالجفا احزنك..واخر دعواي........الله يرحمك.

حبي وتقديري






توقيع : أنين الراحلين
غرني باالأمل وقتي وضاعت مني سنيني احسب الدنيا مثل أمي ازعلها وترضيني




Sponsored Links


09-07-2004, 09:23 PM رقم المشاركة : 2 (permalink)
غاردينا
عطر الرومانسية












العزيز انين الراحلين

اشعر بشعورك واقدره ففقدان انسان عزيز شى مدمر وقاتل فكيف لو كان هذا الانسان هو احد الوالدين او كلاهما

اخى الحبيب
ادعوا الله ان يكون موتهما عظه لك و لنا و الا ماتت قلوبنا بتلك الموعظه
فرحمه الله عليهم و على سائر موتانا و موت المسلمين
و كل ما نملكه الا الدعاء لهم
فعظم الله اجرك فيهما و اسكنهم فسيح جناته