فكره مصريه من ضمن مولودات الثوره المصريه شركه جديده للمحمول رابعه وان شاء الله لوكتب لها الميلاد سوف تكون الاولى والاخيره كل حاجه فيها مننا ولينا احنا اللى فكرنا فيها لانها فكره مصريه واحنا اللى هنساهم فيها باموال رمزيه عشان نبتدى نعمل حلم بجد لمصر نتكلم ونبنى ازاى ؟هنتكلم فى الشركه وكل كلامنا هيروح للشباب ازاى ؟من ارباحها هنبنى مساكن شعبيه ومشاريع قوميه مجموعه مصريه ميه الميه ومحتاجين كل ايد مصريه تساعد ونتجمع كلنا ونفذ بجد فرصه لكل مصرى حابب يشارك فى بناء مصر الفكره على الفيس بوك للى يحب يتابع ويشترك الشركه المصريه الرابعه للاتصالات المصريه الثوره ده هيبقى اسمها تخيلوا لو اربعين مليون مصرى اتكلم كل يوم بالمتوسط جنيه ده غير الرغايين واللى فلوسهم كتير واللى مبيهتمش الرصيد والشركات المستهلكه وغيره حتى لو بالعادى بس هيبقى الدخل اربعين مليون جنيه مصرى يوميا يعنى قناه سويس تانيه ويمكن اكتر ده غير ان فيها مفاجات عده من ضمنها سعر الدقيقه هيكون فى صالح الشعب لانها اصلا فلوسه والشباب اللى هيشتغلوا فيها والكافاءات من محاميين وغيره يا ريت نحاول نساعد مش بس نكتب ونقول لا لازم نعمل حاجه لمصر يا شباب اللى شاف منكوا برنامج الطبعه الاولى هيعرف ان لو مسددناش ديون مصر عن قريب لازم نعلن افلاس مصر والاقتصاد بيتدهور واللى هيقول هاتوا فلوسنا فالرئيس الله يكرمه قدر يضيعنا بجد وامريكا مثلا بتقولنا خدوا قروض بضمان فلوس وممتلاكات حسنى يعنى هما يستثمروا فلوسنا فينا قرض بفايده من فلوسنا فى اكتر من كده ظلم وبلاد تانيه بتقول احنا منقدرش نديكم الفلوس دى شغاله واقتصادنا هينهار كده واحنا ننهار ولا نولع المهم يعيش الرئيس واسرته وامريكا كمان واللى متاكدين انها واسرائيل بتضغط علينا من كل اتجاه خايفين مصر تقوى ونحاربهم عشان كده مصر ملهاش امل الا فى ولادها وشبابها خلونا نساعد بعض ارجوكوا بدل ما ننهار وناكل فى بعض شكرا اليكم جميعا