راحه علي فين يامصر ؟؟؟؟

راحه علي فين يامصر
للجاهل او المجهول للفاتن او المفتون
اوشكت الاوضاع في مصر الان علي حروب طائفيه وصراعات حزبية ومنهجيه .. راحه علي فين يامصر دوله بلي دوله .. دوله رئاسيسة ام دولة برلمانيه دولة عرفية ام دولة دستوريه دولة جيش او دولة شرطه دولة زراعيه ام تجارية وصناعيه ديكتاتورية ام ديمقراطيه .. ديكتاتورية الفرد ام ديكتاتورية الاقليه فمصر الان بلا معالم فكل مااعرفه ان مصر الان مصر الفراغ ... التشريعي والامني والرئاسي والدستوري وبالاحري مصر الان مصر الميدان واقصد ميدان التحرير وليس الميدان الملكي
نخشي عليك يا مصرنا الفتنه القاتله بين ابناء شعبك الفتنه الطائفيه بشقي الامه مسلمين واقباط وبين الفتنه الخادعه لسنوات خداعات تخوين الامين وائتمان الخائن ... تبقي راحه علي فين يامصر فالاقليه الان تتحدث باسم شعبك والشعب يريد طارة اسقاط النظام وظارة اخري اسقاط الحكومة والجديد حل امن الدولة ولكن ما اطلبه انا كاي شخصي ادعي الوكالة عن الشعب ... فالشعب يريد تغير الشعب والشعب يريد اخلاء الميدان فتحدثت باسم الشعب كغيري ولكن ما اعلمه جيدا عن الغالبيه الصامته للشعب وليست الاقلية المتحدثه بان الشعب يريد الاستقرار والحياة الكريمه فالشعب يريد العدالة بمفهومها الواسع وليس الضيق الشعب يريد رفع الاعباء الاقتصاديه الشعب يريد اشياء اخري غير مايطالبون به الاقليه واعلم جيد ان هذا المقال سيواجه بالنقد اللازع لاتهامي بتشويه صورة الثورة المجيده
راحه علي فين يامصر للتصفيق والتهليل للثورة ام للتضليل والتعتيم علي الاحداث الحقيقيه فلا نجد الان جريدة قومية او معارضه ولا حزب يميني ويساري الا للتمجيد من النصر العظيم ومدح الشهداء الابرار واغفال شهداء الشرطه والشعب فاصبح من قتل في التحرير هم الشهداء والباقي قتله تبقي راحه علي فين يامصر
راحه علي فين يامصر لما كرمتي البرادعي بالنجمه الرابعه والان نخونه لما غنا الشعب لموسي والوقتي بنتهمه لما شعبك يقول 30 سنه فساد وظلم واستعباد ولا يذكر ايجابيه واحده تبقي راحه فين لما اعلامك الرسمي يمدح في الرئيس وفي لحظة يسب ويلعن وانقلبت الايه تبقي راحه فين
راحه علي فين يامصر لما اللجنة الدستورية لتعديل الدستور تتجاهل كل القوي السياسية الا جماعة الاخوان تبقي راحه فين
راحه علي فين يامصر دولة اشتراكيه والا راسماليه وانت كل يوم بتخوفي رجال الاعمال واختلط الفاسدون بالصالحون تبقي راحه علي فين لما نطالب بديمقراطيه والا يقول راي ضد ديكتاتورية الاقليه يوجه له تهمة الخيانه
راحه علي فين يامصر عاوزة حرية احزاب ازاي وبتطالبي بحل الحزب الوطني راحه علي فين لما انت عاوزه الامن وبنحارب رجال الامن قولي راحه علي فين واولادك هيودوك فين ؟؟؟؟؟؟؟؟

عاوزة اذكر حاجة لطيفة يااستاذنا نزلت فى كم جريدة وهى حاجة اسمها القائمة السوداء
يعنى الجماعه المشهورين اللى مدحوا الرئيس فى يوم من الايام دلوقتى عاملينلهم بلاك ليست وبيهاجموهم بااحط التهم ..فى الوقت اللى بينادوا فيه بالديمقراطية ..
اه صحيح الثورة حققت اللى عمرنا ماتخيلنا انه يتحقق..وهو اننا دلوقتى مش بنخاف من حد
بس تفتكروا ان عدم الخوف ده صح؟ على مااعتقد ان اللى بيحصل الايام دى بيثبتلنا اننا لازم نخاف ونحترم ونهيب الاكبر مننا سواء قيادات او غيره
يعنى لما نلاقى الشباب كئن الجيش شغال تحت ايديهم وعمالين يملوا شروطهم عليه وعايزين كل حاجة فى وقتها دى تبقى مهزلة
ولما نلاقى الشباب فى الجامعات مش عاجيبهم اساتذتهم وشغالين اعتصامات ولما تلاقى رئيس الجامعه ينزعوا منه هيبته وكرامته ويهتفوا ضده لحد مايستقيل دى تبقى مهزلة
ولما نلاقى اى واحد زعلان من مديره فى العمل يعمل اعتصام ..ايه ده ياشعب مصر؟
لو هى دى الديمقراطية يبقى اهلا بالديكتاتوريه ..ولما تبقى هى دى ثورة يبقى تعظيم سلام للنظام السابق.
بلدنا مصر مش لعبة فى ايد اى حد .
ولما تكتب مقال زى ده يااستاذ عمرو وتقول ان المقال سيواجه بالنقد اللازع يبقى نظام مبارك كان افضل لاننا كنا بنكتب ولا بيهمنا وبيتهيالى لو كان المفروض يعتقلوا حد كانوا اعتقلونى انا .

فى النهاية عاوزة اقول حاجة قبل ماحد يقولها (انا مش حزب وطنى..ولا من بقايا النظام البائد زى مابيقولوا) ده بس توضيح لانى عارفة اللى هيحصل

[b]انا شايف ان كل واحد لازم ياخد دوره بدون خوف ابتداء من الجيش يضرب بايد من حديد على البلطجيه ومنع المظاهرات الطائفيه والمحاسبه السريعه المضاعفه والرادعه لكل من يتسبب فى فتنة وترويع الناس والبلد وعودة الشرطه باسرع مايمكن والتعامل معىالناس بحزم واحترام والشعب ايضا لازم يساعد الدوله الناس ترجع شغلها ومش وقت المظاهرات الفئويةالبلد مش متحمله لازم نشيل مصر عشان تعلى ونبقى بلد محترمه[/b]

مصر ليها النصر لحد يوم الحشر

مش عارف لسه انت راحه علي فين يامصر

بعد عدة اشهر من الثوره لم اعلم لك طريق لم اري نهجا جديد لم اري رمزا جديدا ولم نجدا قائد جديد يقود الصفوف كل ما اراه انهها راحه للانتهازيون والمتملقون والمتحولون

رايحة سوق الغنم

مصر فى مرحلة مخاض

تنتفض من حكم ظالم طائش مدته ثلاثون عاما

بعدها ستهدأ الأمور

لا تتعجلوا

وادع الله دائما لمصرنا بالسلامة

[right]هم وأهلها في رباط إلى يوم القيامة فمهما اشتدت الرياح فمصر بعون الله قوية أبية [/right]