انتخابات انتخابات و فى الاخر الراجل مات.. البقاء لله

زى ما قلها شلبايه اتنين / صفر. و دلوقتى تلاته صفر
نفس الحوار فشل زريع فى الانتخابات ده نتيجه اننا الرجاله بتوع بلدنا فيها اللى مات و فيها اللى طفش و سافر برة
كل ده عشان احنا مش بنقف ايد واحده . كل واحد فينا عاوز يعمل اى حاجه من طرفه هوه الشخصى
و ده طبعا من اسباب الفشل الزريع فى الانتخابات
تانى حاجه لو فاكرين انتخابات مجلس الشعب الدور اللى فاتت فى 2006
لما كلنا وقفنا عشان الاستاذ محمد سعد ضد ظلم الانتخابات و التزوير اللى بيحصل صحيح هو خسر بس ده
كان عشان هوه مش عاوز يدخل المجلس لما قال كفايه يا بلد
بس فى الاول و الاخر البلد كلها وقفت و عملت حاجه و صوتكم وصل لدرجه ان البلد كانت مبهدله الدنيا و الحكومه كانت خايفه منكم

و اتعمل لكم احترام وهيبه و ده شىء حلو اننا وقفنا مع بعض عشان خاطر شخص كلنا وثقنا فيه
المرة دى شوفوا كام مرشح دخل الانتخابات و فى الاخر ايه ؟؟
كميه مرشحين غريبه اوى و كتير على ايه
انا ديما عندى راى اى حد بيدخل مجلس الشعب عشان مصلحته الشخصيه بس و مصلحة اهله
مش عشانى و لا عشان بلد اقصى حاجه هيعملها يقولك الشباب و البلد و لا فى حاجه هتحصل كله كلام فى ورق مكتوب بالحبر
نصيحه منى بلاش نحرج نفسنا تانى و محدش يدخل انتخابات تانى وكل واحد ةيشوف مصلحته احسن
و اكيد اى حد يعرفنى هيعرف انى لا بتاع سياسه ولا انتخابات و لا حتى بدخل جامع
لاننا فى بلد محدش فاهم منها حاجه بامانه

لو اتكلمت فى السياسه يبقى بتشتم الحكومه و مش عجبك النظام.. و هتلبس الاساور و تروح عند فرج بتاع فيلم الكرنك

لو روحت الجامع و دقنك طويله هوه صحيح مفيش فلوس تحلق ولا الله اعلم تبقى من الاخوان و يطبق على قانون الطوارىء
.... و برضه هتلبس الاساور و هتروح عند فرج بتاع فيلم الكرنك

لو حبيت تغير الكلام ده وتروح مع اصاحبك تسهر و تنسى الدنيا برضه هياخدوك .. اتجار و لا تعاطى

و حاجات كتير اوى
بلد مش مفهموم منها اى حاجه
بس كل الى اقدر اقوله لكم انسوا و على راى واحد من بلدنا كتب بيتين شعر قولت اكتبهم لكم


[size=24]
ابجوره ردى عليه ازيك سلامات


النخلة طله عليه ياغزاله سلامات

المسحه جية تحفر القبر للى مات

سلامات يا بلدنا سلامات

[/size]
[size=18]ابن بلدك احمد ناصر

سلامات
[/size]

[b]مشكووووووووووووووووووووووووووور جدا يااحمد[/b]
[b]بس صدقني[/b]
[b]السلبية اللي انت فيها دي وانا والكل[/b]
[b]دي اللي جابت بلدنا ورا[/b]

مينفعش تكون ايجابى فى بلد سلبيه
لانك لو حاولت تكون ايجابى هتلاقى الف حاجه توقفك

السلبيه دى نظريه قديمه و قامت على اساسها الثورة الفرنسيه
نتيجه سلبيه الشعب الفرنسى قبل الثورة سقط النظام لانه مش نافع مع الشعب
عشان كده رئساء القطاعات عملوا الثورة
لان الناس مش مهتمه باى حاجه

انت نفسك لو بتقعد الكمبيوتر و تدخل مواقع و تلعب و تسمع اغانى و مش مهتم بالجهاز النظام بتاع الجهاز هيقع

هضطر انك تعمل نظام تانى اللى هوه الويندوز
و طبعا مش انت اللى هتعمل المتخصص هوه اللى هيعمله اللى هوه صاحب محل كمبيوتر

تخيل ان الشعب كاملا مراحوش الانتخابات عشان يصوتوا

ايه اللى يحصل
هيضطر النظام و المرشحين انهم يرضوك بكل الوسائل

نفس الفكرة لو انت مدفعتش رشاوى الموظف هيضطر يشتغل غصب عنه
انا كده ايجابى مش سلبى
معلش الشعب باللى هوه فيه هو اللى سلبى انه ساكت على اللى بيحصل
انت نفسك اكيد روحت اديت صوتك وانت من جواك مقتنع ان مفيش حد هينجح من عندنا
و صوتك راح فى الفاضى

انت بقى فكر كده لو مفيش حد راح من الاساس و الناس نفضت
هيضطروا يعرفوا ايه السبب و ساعتها هتلاقى كلوا جاى يبوس رجليك عشان ترضى عنه
انا مش سلبى انا بفكر بعقل ناس وصلت القمر
احنا لسه بنستورد توكتوك اللى هوه من مظاهر تخلف الهند و الدول الاسيويه

بص حواليك و شوف العالم بقى فين
و احنا فين فى وسط الناس دى