مجرد رأى لشخص يحب بلدة

بسم اللة الرحمن الرحيم
مش عارف أبدء من فين الكلام بس هقول الى جوايا بصراحة انا متابع الموقع من سنين ومكنش فى رغبة للأشتراك لأسباب عديدة المهم
أدخل فى الموضوع
انتخابات مجلس الشعب.....ومايصاحبها من روح ومواقف وبلنصات معلش فى اللفظ طبعا كلنا عرفين الانتخابات الى فاتت والى جرا فيها والأشاعات الكتيرة والكبيرة الى اتقالت .....وسمعنا عن الى راح لعماشة وأتفق معاة وكانو وسطنا فى الأنتخابات اية يسلام بالروح والدم
بس هى دى طبيعة أولاد بلادنا مفيش حد بيحب حد ومفيش حد بيقف مع حد الاعشان المصلحة والى سافر برة مصر بيعرف الكلام دة كويس جداااااا جداااااا الا ما رحم ربى مش معنى كدة ان بلدنا وحشة بس هوة دة الى معروف عنها للى مش عايش فى البلد
أنا عاوز اقول ان المفروض نبدأ بنفسنا أولا كل واحد يبأ بنفسة الحب يولد حب الكره يولد كره وكفر ........بلدنا فيها خير كتير وناس كويسين كتير ومحترمين أكتر بس الكل بيخون الثانى
المهم انا مش هرشح اسم بعينة .......بس دى مسؤلية كبيرة جدااا جداااا الى شايف انة يقدر يسد فيها ويخدم بجد ابناء البلد ويحسن من وضع بلدنا يتفضل ويقدم نفسة وضمناتة لو شايف انة قد المسؤولبة لأنة سوف يسأل عليها
والبلد كلها هتكون معاة انشاء اللة
مرحبا بمن سوف.......يحسن أوضاع البلد من
مدارس من برة هلة هلة ومن جوة يعلم اللة
من محطة قطار ولا اجمل من زمان الزمان..هههه
من شوارع حدث ولا حرج...مش هقارن بالكردى ولاحد تانى
من صرف صحى بقالة1000 سنة ولسة مخلصش
من بلد الوحيدة ليس لها ملعب كرة قدم
من مجلس محلى بزمتين.... ابكنى تجدنى... وأحنا عرفين من ايام طبور العيش
وموقف سيارات متنقل شوية هنة وشوية هنة....
الى اخرة ...من مستشفى هالكة الى أسعاف ...الى مطافى ....الخ الخ
وسامحونى على الاطالة.... وشكراااا

مشكور جدا اخى على موضوعك

احيي فيك صراحتك وابداء رايك دون اى تقيد

ولكن اعتقد انك منذ فترة لم ترى ميت سلسيل لان هناك اشياء فيما ذكرت قد تغيرت وتحسنت

وهذا لايمنع ان معظم كلامك صحيح

وانى ليحزننى ان ارى موضوع الشكاوى متفشى فى البلد

فكل من يحاول ان يتقدم فى بلدنا نجد جاره يشكيه الى الهيئات الحكومية

هذا هو اكبر عيب فى معظم ابناء ميت سلسيل الا من رحم ربى وهذا واقع نلمسه جميعا ولااحد يستطيع انكاره

الى الله المشتكى

جزاك الله خيرا اخى وفى انتظار ماهو جديد من ابداعات قلمك

أشكرك اختى سندريلا
بس هل تعتقدى ان الموجود حاليا يسد رمق اهل البلد وهل هوى يرقى الى اهل البلد
احنا نستاهل اكتر من كدة بكتير ولا تنسى ان الى هيخدم مش ميت سلسيل بس دى القرى الى حوالينا دى محسوبة علينا
لكن بلدنا تستاهل اكثر من كدة بكثير جدا كل الخدمات تكاد تكون تحتضر معظم مصالحنا الحكومية بنعملها برة البلد المنزلة دكرنس المنصورة
احنا مش أقل منهم لكن الخدمات الموجودة حاليا لاتخدم البلد بهذا العدد الذى كل يوم فى زيادة
انا عاوزكم تسألوا كم شاب سافر خارج البلد فى أخرثلاث سنوات 2008/2009/2010والله مصيبة لية كل العدد دة من الفقر وقلت الحيلة واوضاع البلد اللى...... بس انشاء الله دة سوف يعود على البلد بالخير بس نفسنا لما نرجع نشوف ميت سلسيل تانية نشوفها نفكر فى القاعدة وبلاش سفر مش نقول يلا احجز وامشى بسرعة

نورت منتدانا استاذ عمرو وسعدنا بقلمك الجرئ والحر وكم يسعدنا ان نستمع الي كلمات حب واخلاص لبلدنا الحبيبة ميت سلسيل ولي سؤال اطرحه علي شخصكم الكريم ماهو الحل للقضاء علي المشاكل المطروحه ؟ اود ان استمع الي روؤيتكم في حل تلك المشاكل ولنتعاون سويا في حل مشكلات بلدنا بما نستطيع
لي عودة للموضوع مرة اخري

بسم اللة الرحمن الرحيم
شكرا جزيلا اخى خادم الميدان......
واللة المشكلة كبيرة لسبب واحد وانها مش وليدة اليوم انما هى من زمان الزمان .....عشان كدة محتاجة خطة.......ولازم تبدأ بأن يكون مرشح الدائرة من ميت سلسيل .......ولازم نقف يد واحدة....ومنسيبش الصناديق هية الى تحدد مين المرشح لازم البلد يخرج منها واحد بس عشان نقدر نقف وراءة والحل سهل جداااا......زى محنا بنجتمع فى الصوان للعزاء والكفتريا لمشاهدة المباراة والافراح ......نعمل أجتماع صغير فى النادى ونشوف الى عاوز يرشح نفسة مين ويجى ويقول حلولة للمشاكل وهيعمل اية للبلد لو نجح ويقدم الضمان على كدة ولعدم تهربة من المسؤلية بعد كدة لازم يحضر من كل عائلة فى البلد أكبرهم مثل القبائل ويحدد ويجتمعوا عى واحد نقف كلنا ورا ودى مش صاعبة بس فين الى قلبة على البلد وينفز

[b][color:7452=red]لعل هذا الموضوع من اهم مواضيع المنتدي في الفترة الحالية مع انه تم الكتابة في نفس السياق من قبل وذكرنا كل المشاكل الموجودة بميت سلسيل ولم نجد الحلول[/color][/b]
[b][color:7452=#ff0000]في البداية ارحب بالاستاذ سامح واهلابيك معانا في منتدانا منتدي ميت سلسيل اللي جمع شمل اهل ميت سلسيل من جديد سواء في الداخل او الخارج وجمع شبابها وخلانا نتواصل مع بعض من اجل مناقشة مشاكل بلدنا ومحاولة منا لايجاد الحلول لهذه المشاكل .[/color][/b]
[b][color:7452=#ff0000]الاستاذ سامح ذكر نقطة مهما جدا في موضوعه وهي نقطة الاشاعات ، ماشاء الله ماشاء الله مفيش احسن من الموضوع في بلدنا والاخت العزيزة سندريللا ذكرت نقطة اهم وهي نقطة الشكاوي ودي مصيبة وعارفين بقي اللي يضايق انك تلاقي اللي بيشكي ملوش اي صفة من قريب او من بعيد بس هو بيحلل القرشين اللي قبضهم وربنا يعينه وبحييه علي ضميره الحي واللي مبيونش من اجل دمار بلدنا .[/color][/b]
[b][color:7452=#ff0000]نرجع تاني لموضوعنا موضوع الاشاعات[/color][/b]
[b][color:7452=#ff0000]ياريت ياجماعة نشوف حل للموضوع ده لان الاشاعات دي بتخرب البيوت مش بس في الانتخابات فقط بتهيألي محدش فينا ميعرفش واحد او واحدة علي الاقل بيته اتخرب او سمعته ادمرت بسبب الاشاعات ، بس في سؤال محيرني هو الناس اللي بتطلع الاشاعات دي بتستفيد ايه ومحدش يقولي دا طبع او مرض لازم يكون ليها استفادة او ممكن تكون هواية ، هواية انه يخرب بيوت الناس ويدمر سمعة ناس ويدنس شرف واحدة محترمة والخ الخ الخ[/color][/b]
[b][color:7452=#ff0000]ياريت ياجماعة ندخل ونقول حلول بس ياريت تكون حلول منطقية وحتي لو من الصعب انها تتنفذ الان ممكن ننفذها بعدين او علي الاقل الواحد يعرف يحمي نفسه من الموضوع ده .[/color][/b]
[b][color:7452=#ff0000]ومن اهم هذه الاشاعات في الايام الحالية حفظنا الله واياكم منها وعذرا لاني هاتكلم بصراحة وسامحوني في اي لفظ ممكن يكون مش لائق .[/color][/b]
[b][color:7452=#ff0000]مثلا لو واحدة جوزها مسافر ياعيني هو بيبقي رايح يتغرب ويتبهدل علشان يكون مستقبله ومستقبل ولاده وييجي واحد كلب وحقير ومتخلف يعيب في شرف مراته وفي شرف اهل بيته ويدمر سمعتهم واما ييجي جوزها مثلا من السفر يلاقي الناس بتبص ليه باحتكار وهو بيبقي مستغرب ويروح جاي واحد زبالة تاني ويقوله دا مراتك كذا وكذا وهي ياعيني محترمة وغلبانة وقاعدة في بيتها ومحافظة علي شرف و كرامة جوزها بس هنعمل ايه لخرابين البيوت ، المهم يروح قايله دا المدام بتاعتك كذا وكذا يروح صاحبنا متنرفذ وعرق الرجولة يضرب في وشه ويروح ويقوم مطلقها وحصلت كتير جدا وكل عارفين كده .[/color][/b]
[b][color:7452=#ff0000]طيب بالله عليك يااخي يالي طلعت الاشاعة دي مش خايف من ربنا ومش خايف حد يطلع عليك اشاعة احسن من اللي انت طلعتها [/color][/b]
[b][color:7452=#ff0000]متعرفش ان ربنا بيمهل ولا يهمل ومفيش حق عنده بيضيع ومش عارف كمان ان دعوة المظلوم مفيش بينها وبين ربنا حجاب .[/color][/b]
[b][color:7452=#ff0000]يلا مش هقول غير حسبي الله ونعم الوكيل فيكريا ظالم .[/color][/b]
[b][color:7452=#ff0000]في نقط كتير جدا لكن انا ذكرت اهمها وياريت كل واحد يذكر نقطة واحنا نناقشها وربنا يستر عيلنا يارب .[/color][/b]
[b][color:7452=#ff0000]اخيرا [/color][/b]
[b][color:7452=#ff0000]خالص تحياتي ليك ياسامح علي موضوع المهم والجميل والجرئ ويارب دايما تمتعنا بمواضيعك الجميلة والمهمة والجريئة [/color][/b]
[b][color:7452=#ff0000]ودمت مبدعا ودام ابداعك [img(113px,58px)][ندعوك للتسجيل في المنتدى أو التعريف بنفسك لمعاينة هذا الرابط] [/color][/b]
[b][/b]

شكرا استاذ ESO
واللة انت دخلت فى مكان حساس جدااا جداااا وخطير وبلاش نخوض فية ولو فكرنا فى كل المشاكل والاشاعات مش هنخلص لان أصحاب القلوب الضعيفة كتير قوى فى بلادنا
يقول رسول اللة صلى اللة علية وسلم : ((من تتبع عورة مؤمن تتبع اللة عورتة

أشكرك اخى ESO
وشكرااا لكل من شارك فى الرد

[b][color:e93e=red]الشكر كل الشكر ليك يااستاذ عمرو لانك انت اللي فتحت الموضوع المهم ده ولكن زي ماانت قلت [/color][/b]
[b][color:e93e=#ff0000]اصحاب القلوب الضعيفة في بلدنا كثير جدا[/color][/b]
[b][color:e93e=#ff0000]وعافانا الله واياكم[/color][/b]

اخيرا ميت سلسيل فى مجلس الشعب
اهل بلدى الكرام المخلصين اخيرا ابتسم لنا القدر واصبح لميت سلسيل اسمها على الخريطه السياسيه فى محافظة الدقهليه
فلقد وافقت اللجنه العليا للامانه العامه للحزب الوطنى على ادراج اسم مرشح من ميت سلسيل ليمثلها نيابة عن الحزب الوطنى فى انتخابات مجلس الشعب لسنة 2010 وهذه البشرى ازفها الى كل مخلص خرج ليدعم ابناء البلد فى استطلاعات الراى والمجمعات الانتخابيه وانتخابات الوحدات الحزبيه
صدقونى ان المخلصين فى بلدنا كثر ولكن الخونه معدودين على الاصابع ولكنهم كالبيض الفاسد رائحتهم تفوح فتوحى بان البيض كله فاسد
فهو فى النهايه ايحاء وليس حقيقه اللهم بارك لبلدنا فى مخلصيها واهدى القوم الظالمين
ابناء بلدى الكرام ليس معنى ان الحزب قد اتى لنا بمرشح عنه انه نجح واصبح عضوا
فهذه بداية المعركه ويجب ان نقاتل من اجل نجاحه ونتمسك بهذه الهديه الثمينه التى اهدانا الحزب اياها لانها جاءت من بين انياب الاسود نعم اسود ولكنها شاخت ووجب دفنها
فلنتمسك بهذه الفرصه لاعلاء اسم بلدنا ولاستعادة الصداره فى العمل السياسى فى محافظة الدقهليه كما كانت فى عهد اسلافنا الافاضل رحمة الله عليهم
وفى النهايه سوف يتسائل البعض من هو الشخص الذى اتى به الحزب ولكننى حيث انه لايهمنى اسم المرشح ايا كان بل يهمنى انه من ابناء البلد وحفاظا على سريه المصدر اقول لكم انهم كلهم - اى المرشحون- ابناء مخلصين لبلدنا ويشرفنا ان يمثلنا اى منهم وربنا يوفق اى منهم لاستعادة حقوق بلدنا المسلوبه منذ عشرون عاما
فلتهنأوا اهل بلدى بهذا الخبر السار ولنبدأ العمل فالطريق شاق وطويل
واختم كلامى بان اقسم بالله بان كلامى صحيح وان ميت سلسيل سيكون لها ابنا فى مجلس الشعب هذاالعام والله على ما اقول شهيد وانتظرونا يوم 7 نوفمبر
والسلام عليكم ورحمة الله وبركاته