الحب ضار جدا بالصحه

[size=18][justify][color:ba48=darkblue]فى البداية وقبل ان ابداء كلامى هذا الكلام هو رايى الخاص لانه من الممكن
الا يعجب الكثير ويمكن انا يغضب الكثير معذره واسف شديد لكل من يغضبه
كلامى او يضايقه

كلنا متفقين تماما ان الحب .هو اروع واجمل احساس فى الدنيا واجمل
احساس وشعور فى الدنيا انك تحب وتتحب . وطبعا باجماع كل البشر الحب يعطيك
:

السعادة..الفرحة...البسمة....تشعر بانك طائر فى وسط بستان من الورود
....تعيش الرومانسية وتصبح شاعرا .....ترى اجمل الاحلام فى منامك..... كل
هذا وهناك الكثير والكثير من التعبيرات التى تعجز عن وصف الحب لكن ليس اى
حب الحب الحقيقى الخالص من المصالح والكدب والخداع والغش والتسالى

..ولكن

تعالى معى شوف اضرار الحب لانه ياخذ منك الكثير وانت فى لحظات التخدير

1- أسوء ما يسرقه منك الحب هو راحة البال ودة اصعب شىء فى الحب وهديك مثال عشان تفهمنى حالا :

الراجل يقول مثلا :

يا ترى روحت امتى ...يا ترى جات امتى....لابسه اية لابسها اللى
بيخنقنى اكيد لما تيجى هولع فيها .....اكيد طبعا حد عاكسها.....طبعا هتيجى
تخنقنى وتقولى المواصلات كانت زحمه وانا يتحرق دمى.......يا ترى حد عاكسها
فى التليفون طيب الواد اللى كان بيحبها قبلى بتفكر فيه ....... طيب هية
كويسة دلوقتى كلت ولا مكلتش .....الى ما لا نهاية من الاسئلة ؟؟؟؟؟

البنت تقول مثلا:

يا ترى بيفكر فيا...يا ترى مش بيفتكر البت اللى كان بيحبها
قبلى......طيب هيه احلى ولا انا ......يارب ميكونش بيقارن بينا ....طيب
ياترى بيبص على البنات منا عارفاه عينه فارغه....طيب حد بيكلمه
......بيكلم حد غيرى او بيعاكس البنات فى الشارع.....كليب هيفاء كان شغال
امبارح طبعا عينه كانت هتاكلها ....طيب ممكن يكون بيخرج من ورايا مع
بنات.....الى ما لا نهاية من الاسئلة ايضا؟؟؟؟؟؟

عشان محدش يتلخبط هناخد الضرر التانى اللى فات كان اول ضرر

2-الحب سوف يسرق منك كل وقتك فتنشغل عن اى شىء ولو كان عملك او اكلك او سلامة جسمك فى سبيل انك تقعد تحب.

3-يسرق كل اهتمامك فلا تهتم الا بمن تحب تهمل اهلك اصحابك اصدقاءك
القريبين منك جدا اهمالك هيكون فى كل شىء علاقاتك مع الناس هتقل واذا
مكنتش مصدقنى تعالى ارجع معايا بالذاكرة شوف تعاملك مع اصدقاءك قبل ما تحب
وشوفه بقى ازاى بعد ما حبيت هتلاقى فرق كبير اوى .

4-دموعك المهدره على ما كنت تعتقد انه اجمل شىء فى حياتك وانك لا تستطيع العيش بدونه ولكنك كنت مخدوع فيه.

5- طبعا مش هتعرف تنام لو متخانق مع حبيبتك وتفضل محروق دمك لحد ما المشكلة تتحل يعنى هيسرق منك النوم كمان.

6- وجع القلب عند الفراق وعند المشاكل ولكن مش هتحس باى حاجة دلوقتى
لانك فى فترة التخدير الكلى هتحس بس ساعة الفراق مع حبيبتك قد اية قلبك
هيوجعك.

الخداع ...الفساد .....الغش ....الكذب.....سوء الخلق....التفاهه...التسلية...السفالة....الخ هذه هى مفردات مجتمعنا الان

ملحوظة هامة (مفيش حد يستاهل الحب لا راجل ولا بنت )

فالان لا يوجد حب حقيقى كل خداع مصالح تسالى كلمة الحب من الراجل ممكن تطلع لمليون بنت وكلمة الحب من البنت بتطلع لمليون راجل

اثبت لك اكبر دليل على ان مفيش راجل يستاهل الحب الراجل لو بيحب
وبيموت فى حبيبته وكلمته واحدة تانية وكان ضامن ان حبيبته متعرفش والله
والله هيكلمها ولو برضوه بيحب حبيبته اوى وعايز يتجوزها واتجوزها فعلا
هيبص على اى بنت برضوه عادى مع ان مراته لو عملت حاجة زى دى ممكن يموت
وهوه واقف او يتشل تقريبا

اثبتلك ان كلام الحب كلام وخلاص

فى فترة المراهقة تتخيل كل بنت عندما ترى شاب او فتى كان مرسوم فى
خيالها تبدا تحبه تموت فيه تكلمه متقدرش على بعده وتتخيل ان هذا الرجل
سيصبح زوجها وانها هتفضل تحبه لحد ما يتجوزوها وهية يبقى عندها 12 او 13
سنة اصلا وتبدا تمر الايام وتحب على نفسها اكتر مع ذلك ياخذ فقط شىء غالى
عليها هو كرامتها واحترامها لنفسها فالرجل لو تعددت علاقاته لا يخسر شيئا
اما البنت فتخسر كل ثانية تمر عليها بهذا الشكل اشياء كثيرة جدا

المهم انه فى هذه الفترة تقول شعرا فيمن تحب وبعد ذلك ياتى رجل جديد
ويتقال نفس الكلام وبعدين يجيى راجل كمان يتقال نفس الكلام .......لحد ما
تزهق بقى ولما يجيى العريس عالفكرة هتبقى تقوله نفس الكلام بموت فيك مقدرش
اعيش من غيرك وطبعا زى ما كلنا عارفين لا يدفع الثمن سوى العريس (هههه)

وطبعا الراجل الخاين اللى كان مقضيها بقى قبل الجواز ويقعد يقولها اول
واحدة اقولها الكلام دة واول مرة فى حياتى احس واشعر برضوه اللى بتدفع
الثمن الست لما بعد الجواز تلاقى اللى متجوزاه بيحشش وبيشرب خمره وكل يوم
فى كباريه وديسكو تلعن اليوم اللى حبته فيه وكل كلام الحب يتقلب لكره
وطبعا حقها .

عموما فى رجالة كويسة وفى بنات كويسة بس نادرين ندعى جميعا ان يرزقنا بازواج وزوجات صالحات

فالطيبون للطيبات

طبعا هذا الكلام ينطبق على بعض الناس والبعض الاخر لا يوجد الشريف
الطاهر ويوجد الكذاب المنافق المخادع ولكن الان فى هذا الزمن تغلب الاسوء
على الاحسن والشر تغلب على الخير ...

وفى النهاية اقول ان هذه هى وجه نظرى الشخصية فلا اعيب على الحب ولا المحبين بس جملة واحدة ممكن اقولها :

لا تتزوج الا عن حب ولكن تاكد ان من تحب هو جدير بحبك

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

انا اسف اذا كنت خرجت عن كلام مش كويس انا بعتذر

محاسب محمد حامد[/color]

[/justify]
[/size]

الحب ضار جدا بالصحه

الحب ضار جدا بالصحه

الحب ضار جدا بالصحه :: تعاليق