من ابداعات الشاعر سمير عبد الباقى

[url=http://photos1.blogger.com/blogger/1056/4198/1600/t-kaab2.jpg][color:d2c2=#473624][img][ندعوك للتسجيل في المنتدى أو التعريف بنفسك لمعاينة هذا الرابط]
[url=http://photos1.blogger.com/blogger/1056/4198/1600/foto21.1.jpg][/url]
[right][font:d2c2=arial][b]وا اسلاماه

يارسول الله أغيثهم
جهلهم حطم نفوسهم
نسيوا مين سارق فلوسهم
مين...؟وبالجزمة دايسهم
وعلي الكلمه حاسبهم
بمقاس الخوف محاصرهم قايسهم
يحتكم فيهم خبيثهم....

يارسول الله تعالي
امتك صبحت في حالة
واقعة في شبك الهبالة
نصها فقر وبطالة
لابسة خيش أو لابسة بالة
واكلة من باقي الزبالة
ونصها التاني بيتحكم عوالة
نفط والا قحط والا زيت بقالة
ارتضي ذل العمالة
والشيطان أصبح فارسهم

يارسول الله أمانة
نظرة لدموع الارامل والحزاني
زيح عن الامة غيامات الجهالة
اللي زرعها ف اراضينا الخيانة
تدي للحكام حصانة
وللشعوب عيشة المهانة
اللصوص عسكر رئيسهم
بالاصالة وبالوكالة
يعملوه صاحب الجلالة!!

يارسول الله حنانك
ياللي كان العدل والحرية شانك
الالة م الظلم والعبودية صانك
وحفظ عزة مكانتك
كان حنانك عالفقير مجدك نيشانك
وكرامته من كرامتك
أمتك صارت إهانتك
أمتك حالتها حالة أستحالة
كيف ح تتباهي بها يوم القيامة
ظالمين راكبين حصانك
كدابين ناطقين لسانك
ولصوص واخدين مكانك
بالعساكر والكهانة

يارسول الله حنانك
بالأمانة تعالي غيثهم
خد بإيدها أمتك ارحم بائسهم
بالامل أحي يائسهم
بالأيمان طهر خبيثهم
قد يجوز وعقولها تصحي
توعي إيه معني الاهانة
ومعني ايه العقل زينه في العقل صحة
تفهم الفرق المقدس
بين رسول الله وطول قامتة
ومكانته
وبين إهانته
في رضاهم ذلهم والاستكانة
للي حابسهم في سجن الخوف
وسجن الجهل ليمان المهانة
اللي متربع علي عرش الخيانة
فقر بيحطم نفوسهم
ودايسهم تحت قهر
عساكر الاذعان
لمراسيم الوراثة
ومواريث الحصانة

[/b][/right]
[/font]........................................................................................................

[b][size=16]غنوة لمصر
لولي يالاللي
ياحلوة ياللي انتي السنابل والعيدان
ياحلوة ياللي انتي الندي وحي الكيزان
لولي يا لا للي
ياحلوة ياللي انتي علي سطوح البيوت
حس المطر صوت الاذان
ياحلوة ياللي
انتي علي شطوط الترع ضل الكافور صفصاف مدلي

[/size][/b][right][b]ياحلوة ياللي علي القنا حبة الجسور ميل يصلي
ياحلوة ياللي انتي في ليالي الصيف حواديت السمر
كان يا ما كان
وكام يكون ليا
ياحلوة ياللي في المواجير العجين اللي اتخمر يابنت ملي
و ف ساعة القيالة نسماية هوي بتميل تميل لي
و في المنادر الكلام المتعبر [/b][/right]


[right][b]وفي الساحات انتي العيال وانتي القمر يارب خلي
وفي الهجير صوت اليمام
فوق النخيل والسسبان
ياحلوة ياللي
للغريب الدار الحنان ساعة اللقا
مرحب يا خلي وللجعان ريحة الخبيز طعم الظفر ياولد ناو لي
للوحدانية في المنام [/b][/right]


[right][b]ساعة هنا ساعة تجلي وللبنية انتي العريس المنتظر
وأربي اليبيبان ياصبية طلي
وانتي مواويل اللي نهدود م الشقا
فاحت ترع ..لافع في اكتافة معلي
وانتي بشاير الفرح وشوشة الدكر يا رمل قول لي
وانتي هديل المداحين راقص الفجر
يافرحة هلي [/b][/right]


[right][b]ياحلوة ياللي من زمان ......بزمان .....انا... عشتك انا
وعشقت حتي القش وحشيش القنا [/b][/right]


[right][b]ولعبة الدخان علي صدر السما [/b][/right]


[right][b]ورقصة المحرات علي ضلوع الحجر
وطلعت الفجرية من ساعة سحر
وندهة المية علي جدور النبات
والارض
لما تبات شراقي [/b][/right]


[right][b]وتنام وتصحي [/b][/right]


[right][b]صابرة مستنية
صوت السواقي في نايات المية
ولشمس لما تشقشق الصبحية وانا تشق اللوزة في الضهرية واما تحن ترق في العصرية ... وتلم كل الخلق في المغرب
يدفو قلب الجسر والزراعية [/b][/right]


[right][b]وفرحة الشغالة بالنقدية [/b][/right]


[right][b]والضحك والملاغية والمكاكية والمنادية عشتك انا بالحب
والحنية بنيت لنفسي في حضنك البنية من كل مكان حي وخدت منك اتر [/b][/right]


[right][b]م الارض
م المية
وم الطين والشجر
وبرضة عشتك كمان يامصر
في الانسان ..القادر الشقيان [/b][/right]


[right][b]اللي عرق جلابيتة الورد شمة فتح الاكمام حسيتة في دمي
ساعة شميتة
شلتة ف عينة[/b][/right]


[right][b]فردت لة الاحضان
وف قلبي لميته... لولاك [/b][/right]


[right][font:d2c2=arial][b]ولولاة عليه
كنت اللي عشت احلم بة ما صدقت ولا كنت حسيت الامل وقاسيته واللي قريتة يامصر ...
كنت نسيتة[/b][/font][/right]
[right][font:d2c2=arial][b]....................................................................................................[/b][/font][/right]
[right][/right]
[right][font:d2c2=arial][font:d2c2=Microsoft Sans Serif][size=21][color:d2c2=#ff0000]استحـــملنى أنــا فـــلاح جـــاهل
وحقــود وأهبــل وأنــت العـــاقل
راســـــم مشــــــــروع تأبــــــيد
انـــزل مــرة ومــر فــى شــارع
والا اشترى كوز دره من صايع
اركــب تالــته فــى سكــه حـديد
سيبــك مــن الأبهـــه والجــيش
جس الجوع ف طابور العـــيش
اضـرب بلــطه فى نجـع صعــيد
فـوت فـى العتـبه صلـح ســاعه
إمــلا فـى بـــاب اللـــوق ولاعه
ادخـــل مكتــب بوســـطه بــريد
حـــاول مـــره يتيـــمه تصــيف
مـش فى مارينا ومش بمكــيف
والا اتفــسح فــى بنــى عبــــيد
عيـشه الخلـق عســيره ومــره
وإوعـــى تقـــولى إنمـــا حــره
دا إحنـا رجعــنا رزقــى وســيد
لـــو فــى مـــخ وحـــس وهمه
كـــان حســـيت بتاريـــخ الأمه
أو تنشـــق نفســـك يـــا بعـــيد

***********************[/color][/size][/font][/font][/right]
[right][font:d2c2=arial][font:d2c2=Microsoft Sans Serif][size=21][color:d2c2=#ff0000]دى حاجات انا حاولت اجمعها من الانترنت علشان خاطر عيون ابناء [/color][/size][/font][/font][font:d2c2=arial][font:d2c2=Microsoft Sans Serif][size=21][color:d2c2=#ff0000]بلدى ..كمان علشان يعرفوا تاريخ الناس الكبار اللى نبتوا من نفس الارض .[/color][/size][/font][/font][/right]
[right][/right]

والله حاجات جميلة جدا
تسلمى على مجهودك الجميل ده