عمارة ال مارجريت والحلقة(1) من الجزء الثالث

تدخل كاميراتنا الى الشقة الثالثة فى عمارة آل مرجريت .. وافراد عائلتها هم (شوقى 19 عام... سعيد 17 عام... سحر 5 سنوات... الأب محمد والأم ولاء)
(تك تك تك .. هناك من يطرق باب الشقة)
سحر: اكيد ده شوقى جايبلى شوكولاتة من الكلية
وفتحت سحر باب الشقة ولكنها وجدت انه اخوها سعيد
سعيد: ازيك يا بت
سحر: ايه ده انت جاى الساعة 12 ليه؟؟
سعيد: يا عبيطة مش كل مرة اقولك العقرب الصغير هو الساعة
سحر: ايه ده يعنى الساعة 7
سعيد: الله يحرقك.. ده عقرب الثوانى .. وانا اقول اليوم بيجرى ليه؟؟
الأم ولاء: بطلوا مناقرة .. انت جيت بدرى ليه من المدرسة؟؟
سعيد: كتيت كالعادة . كخخخخخخخخخخخخخخ
الأم ولاء: والله اما ييجى ابوك لأقوله انه جالك استدعاء ولى امر
سعيد: يا ماما طيب انا راضى زمتك .. فيه مدير محترم اسمه حمادة... طب والله اما مدرس بيحب يخوفنا يقولنا هوديكوا عند حمادة... بفتكره صاحب سيبر
الأم ولاء: يا ابنى اركز بقا فى المدرسة مش كفاية اترفدت من مدرستين وانت شحط كدة
سعيد: انتى فكرك انى انا مرفود غصب عنى .. لا هع.. ده انا مرفود بمزاجى علشان يطلعولى شهادة سوء سير وسلوك.. عشان مدخلش الجيش...كخخخخخخخ
الأم ولاء: وانت فكرك انهم مش هيخدوك كدة.. لا بالعكس دول هياخدوك علشان يعلموك الأدب
سحر: سعيد هو الجيش ده اللى بيلعبوا فيه استغماية؟؟
سعيد: اه يا حبيبتى العساكر بتستخبى والحرامية بتجرى وراهم.. روحى هاتيلى مية يا بت
الأم ولاء: هو شوقى اخوك اتأخر ليه؟؟
سعيد: ما انتى عارفة يا ماما هو اللى بيحيي الحفلات فى الكلية النحس بتاعتهم
الأم ولاء: حفلات ايه؟؟
سعيد: هتكون حفلات رقص يعنى.... حفلات غنا يا ماما.. انتى عارفة يا ماما هم مسمينه ايه فى الكلية.؟؟؟
الأم ولاء: ايه؟؟؟
سعيد: العندليب السيئة
الأم ولاء: لا والله!!!! ده انتوا بتعملوا حاجات اهو من ورايا
سعيد: هو انتى دريانة بحاجة .. ده احنا بنعمل بلاوى.. ده انتى لو عرفتى احنا بنعمل ايه كنتى اتشليتى
الأم ولاء: امشى من هنا يا جزمة
سعيد: هع.. حاضر
وجاء شوقى متعب من الكلية (البيه كان بيغنى)
الأم ولاء: اهلا بالعندليب السيئة
شوقى: اوبااااااا. عاوز اعرف مين الحيوان اللى قالك
الأم ولاء: اخوك
سعيد: طب والله يا ماما ما قايلك على حاجة تانى
واخذ يتنازع شوقى وسعيد
حتى صعد صوت التليفون عاليا
سحر: ألووووووووو.. ايوة... لأ هو مش موجود
واغلقت السماعة
شوقى: مين يا بت
سحر: لا دى واحدة كانت عايزاك.. كخخخخخخخخخخخخخ
وجرت سحر وسعيد الى الغرفة واغلقوا الباب عليهم حتى لا يضربهم شوقى
وفى المساء دخل شوقى الى غرفته وغرفة اخيه (هو واخوه بيناموا مع بعض فى قوضة واحدة يا عينى)

وكانت الساعة الواحدة بعد منتصف الليل .. وكان سعيد قد استغرق فى النوم
سعيد: كخخخخخخخخخخخخخخ.. انت ياض .. ابعتلى الكورة ياض... خخخخخخخخخخخخخ ششششششششششش (البيه بيحلم)
شوقى: نام.. والله تصدق بيبقا شكلك حلو وانت نايم.. شكلك بيوحيلى انك محترم
وذهب شوقى الى الكمبيوتر واشعله.. ودخل شوقى على الـ face book
سعيد: انت ياض .. اطفى النور والكمبيوتر.. مش عارف انام..
شوقى: انت عارف انت لو اتكلمت انا هقول لبابا وماما على اللى لاقيته معاك امبارح فى جيب الجاكتة بتاعتك... بتشرب سجاير يا معفن
سعيد: وانت لو قولتلهم على السجاير انا هقولهم انا لاقيت ايه فى جيب الجاكتة بتاعتك .. بنات يا شوقى... يا مراهق
شوقى: لاقيت ايه؟؟؟ انا فى السليم
سعيد: وحياة طنط ظاظا .. انا لاقيت فى جاكتك libglass (روج يعنى).. يا مراهق
شوقى: اه ده بتاع البت رنا.. اسكت بقا صدعتنى
ونظر شوقى على ايميله على الـ hotmail اذ به يجد offline message من رنا
rana habibty:حبيبى انا مش فاضية بكرة.. خالتو راجعة من الحج ولازم نروح نستقبلها .. معلش بقا ابقا روح السيما مع توتو
شوقى: توتو!!! وحياة توتو !! ماشى
سعيد: مسمعتش اخر نكتة .. بيقولك واحدة ست عجوزة طلعلها خاتم سليمان دعكته طلعلها العفريت .. قالها شبيكى لبيكى تطلبى ايه؟؟ قالتله عاوزة اصغر فى السن.. خلاها 40 سنة معجبهاش.. 30 معجبهاش.. 20 معجبهاش.. 10 معجبهاش.. خلاها 4 سنين جاتلها الحصبة ماتت...كخخخخخخخخخخخ
شوقى: بس يا ظريف... انا مش طايق نفسى
سعيد: مالك يا ابو الشوق؟؟
شوقى: خروجة بكرة باظت
سعيد: طيب ما تيجى نروح كباريه سوسو يا شوشو ونحيى حفلة بكرة
شوقى: وانت عرفت منين ان فيه حفلة بكرة؟؟
سعيد: ماهو عمو لولو صاحب كباريه سوسو اتصل بيك .. بس متقلقش انا اللى رديت عااااااااااااااااااا
شوقى: لا انت كدة هتكون ضيعت عالآخر.. يعنى سجاير وكباريه... لالالالالالا انا اخويا لا يمكن يبقا كدة
سعيد: لا والله .. انا هوعدك انى اول ما ارحع هذاكر على طول .. وبعدين ما انت كمان ضايع
شوقى: لا انا ضايع نص نص.. وبعدين انا بكون مستقبلى .. علشان افتح كباريه مستقل ..هع

]وفى اليوم التالى كانت سحر تلعب مع رامى ابن الجيران
سحر: يا يامى(رامى) انا عاوزة مثاثة(مصاصة)
رامى: عارفة يا ثحر(سحر) انتى عثولة (عسولة)اوى
سحر: ما انا عارفة
رامى: عارفة منين؟؟ هو فيه حد غيرى بيلعب معاكى
سحر: ايوة .. الواد حثين(حسين) ابن طنط تفيدة
رامى: كدة يا ثحر(سحر) انتى وعدتينى انك هتلعبى معايا انا وبث(بس) انا كدة هزعل منك... انتى انا بخبك اد ايه؟
سحر: لا.. بث(بس) ممكن اعرف لو جبتلى سوكولاتة(شوكولاتة) كادبورى من ام 3 جنيه(واقعة واقعة)
رامى: يعنى لو جبتلك السوكولاتة مس (مش) هتلعبى غير معايا
سحر: ايوة طبعا
رامى: انا بحبك اوى يا ثحر(سحر)
وطب عليهم سعيد

ياترى هما دخلوا الغرفة يتكلموا ويعملوا ايه ؟
ده اللى هنعرفه ان شاء الله فى الحلقة الاخيرة القادمة
انتظروا الحلقة الاخيرة من عمارة ال مارجريت
ونتمنى لكم وقت سعيا

مشكور يا إسلام
حلوه اوى
ننتظر منك الحلقات القادمه متتاخرش علينا

:)تتت