هى دى الحقيقه ياناسtiti7ob4u

[color:658e=red]صحيت الصبح - عادى يعنى زي ما أي حد بيصحى الصبح- ولبست هدومي ورحت الكلية
مستني طبعا الباشا رئيس الوزراء
السواق اللي بيسوق بينا الأوتوبيس لغاية ما جه وعلى بال ما أتدلع ووصلني أدام
الكلية كان وقت المحاضرة الأولي جه
وطبعا جريت عشان أوصل قبل ما الدكتور يدخل
والحمد لله الدكتور دخل بعدى على طول ولسه باقعد واصبح على .زميلتى اللي جنبي
سمعت الهتاف المدوي من الدكتور:
- اللي لابسه قميص اصفر تطلع بره.
فكرت كل الناس اللي لابسه كده هتطلع بره واستغربت من الطلب الغريب ده اشمعنى
يعنى قميص اصفر اتاريه بيشاور نحيتى وبيقولي:- ايوة أنتى اللي بتبصى حواليكى.
- أنا يا دكتور.......بس ده تي شيرت مش قميص وكمان لونه اخضر.
- وأنا مالي هو أنتى شايفانى نقاش..المهم انك تطلعى بره خلينا نبتدى المحاضرة احنه
لسه ما رشيناش ميه ولا حتى قولنا ياصبح.
- خلاص ياكتور..... ياصبح.
ما حاو لتش أناقشه هوة طلعنى بره ليه... ده رئيس قسم يابا يعنى في درجه مأمور.
نزلت اقعد في حرم الكلية – نفسي حد يقولى سموه حرم ليه – لغاية ما المحاضرة
تخلص عشان أشوف بقيه اليوم وطبعا ما منعتش نفسي إني أرمى ودنى عشان اسمع الناس
اللي كانت قاعدة في الحرم – برضه ما حدش عايز يقول – بيقولوا إيه...أهي تسالي
برضه
أول الزباين واحد ماسك ودن بنت وهاريها كلام وبيقولها :

أول الزباين واحد ماسك ودن بنت وهاريها كلام وبيقولها :


- استنينى حتى لو طال بينا الزمان أنا لسه ناقصلى سنتين دراسة و3سنين جيش
وسنتين على بال ما ألاقى شغل..صدقيني أنا حبي ليكى مش حب مصايف.
- ما تخفشى أنا هاستناك طول العمر وهاحارب عشانك كل اللي واقفين أدام حبنا.
لاقتنى باقول لنفسي ( النبي تروحي تحاربي في العراق احسن بدل الهر تله اللي
بتقولوها دى وكل واحد عارف إن التانى بيكدب عليه
هوة فيه حد يستنى التانى سبع سنين ولا حتى خمستاشر يوم)
المهم غيرت المحطة على فيلم تانى قصدي حاولت اسمع ناس تانيه لاقيت بنتين قاعدين
بيتكلموا – آسف بينموا – على واحده تالته أكيد مش موجودة في الكادر دلوقتى:
- هي البنت دى إيه اللي حاصلها من يوم من لبست الحجاب وهى معووجه
- ياستى احنه مالنا... أنا كل اللي فارسني وهيخلينى أطق من جنابي إنها كانت
لغاية قريب بتا خد منى شرايط المغنيين الجديدة دلوقتى جايبالى شرايط شيوخ
وبتقولي اسمعيهم.
- لا واللي يغيظك إنها قالتلى البس حجاب رغم إننا كنا بنروح لكوافير واحد مع
بعض
- ماتنرفزيش نفسك..قو لتلك دى ما تستهلش ..مستشيخه فيها وفرحانه قوى ..كبري
دماغك وبلاش السيرة دى برضه هي مش موجودة دلوقتى.
- آه صحيح عشان ما تبقاش غيبه..........صحيح شوفتى فيلم توم كروز الجديد؟؟؟؟؟.
كنت هاصرخ فيهم أقولهم ( الله يحرقكم انتم الاتنين بعد كل ما قولتوه على النية
وهات يا تقطيع فيها لسه منتبهين إنها مش موجودة .
بصيت في الساعة لسه الوقت مش راضى يعدى قولت أشوف ناس تانيه وفعلا لاقيت ولدين
قاعدين واحد معاه هارد كومبيوتر والتاني
معاه سيد يهات خمنت من المنظر ده إن القاعدة مشبوهة وفعلا الاتنين ما خيبوش ظني
واحد منهم بيقول للتانى:
- السيد يهات دى جامدة قوى على ذوقك يعنى بس أوعى حد يشوفك في البيت.
- لا ما تخافش هااعمل لهم كوبي وبست بس .. سهله زي شكه الدبوس.
- بعد ما تجيب الحاجات ما تنساش تتصل بصاحبتك لسه سألاني عليك امبارح.....انت
قلبتها ولا إيه؟؟؟ - يا عم فكك منها دى خنقه...وبعدين أنا ماشى دلوقتى مع اللي أحلى منها ومن
أمها.
- إيه ده انت شوفت أمها!!!!!!!!.
(الله يخر بيت أبوكم هوة ده بس كل اللي بتفكروا فيه أمال مين اللي هيجاهد على
كده ) طبعا أنا اللي قولت ده لنفسي برضه.
عموما الوقت عدى وطلعت عشان احضر المحاضرة اللي بعدها كنت ناعي هم ها أحضرها
ازاى خصوصا إن الدكتور ده ما بينزليش من زور –وفين الزور ده اللي ينزا منه وهوة
ما شاء الله اكس اكس لارج – من ساعة ما جه من البعثة من أمريكا وهو مقلوب علينا
رغم انه ما قعدش هناك غير سنتين يعنى ما لحقش يلقط منهم غير كام كلمه وكام حركه
وساعة ما سافر ما كانش يعرف من الإنجليزي كله غير جملتين (I am donkey) و
(Give me one dollar please) هوة يعنى احنه كنا اخدنا غيرهم في المدرسة
راجع من هناك قرفان من مصر والمصريين – يعنى هو ذنبها إنها طلعتك على حسابها
–عنده اعتقاد إن كلنا – كمصريين يعنى –نصابين وفهلوية وكدابين وبتوع لت وعجن
وبنحبوا نلفوا وتدوروا وما لناش كلمه – يااااااااااه كل ده شايله في قلبك وساكت
ياكبدى عليك يابنى – المهم من ساعة المحاضرة ما بدأت وهو قالب خلقته وعنده
اعتقاد إن الهباب اللي بيقوله ده مفيد وكل شويه يمارس رياضته المفضلة انه يصطاد
واحد مش واخد باله أو بيكلم اللي جنبه وهاتك يا تريقه عليه لحد ما مسك واحد
- انت بتتكلم ليه ...ما دام مش عايز تستفيد ما تحضرش – قال
يعنى احنه بنستفيد ده لولا ورق الكورس ما كناش
نجحنا يا كتكوت –ابقي احترم نفسك انت فاكر نفسك
هنا في محاضره ولا في بيتكم؟؟؟؟؟؟؟؟؟؟؟؟؟
رد صاحبنا عليه: - أنا أسف يا دكتور
وبصوت عالي: - برضه ما جاوبتش على السؤال انت هنا في محاضره ولا في
بيتكم؟؟؟؟؟؟؟؟؟؟؟؟؟؟؟؟ اهوانتوا كده كلكم يا
مصريين تقعدوا تلفوا وتدوروا وما حدش أبدا صريح ولا
عملي عشان كده عمركم ما هتتقدموا اهو لولا مجانية
التعليم ما كناش شوفنا أشكال زيكم وكان زمانكم لسه
بتجروا ورا عربيات الرش في الشارع.
كنت عايز أؤكد له إني حتى بعد مجانية التعليم لسه بأجري ورا عربيات الرش بس
بفضلها بقيت أجري أسرع
المهم المحاضرة خلصت بعد دهر وما تبقاش غير سكشن واحد أروح بيتنا بس كان مشكلته
إن المعيد اللي بيدرسه لينا كان لسه مقدم رسالة دكتوراه واترفضت عشان كان واخد
حاجات من أبحاث ناس تانيه ومن مراجع علميه من غير ما يقول – يعنى كل المشكلة
انه يقول .. يعمل اللي هو عايزه بس يقول... يا سلام دى حاجه ولا الأفلام – عشان
كده مش بنحاول نحتك بيه ربنا يكون في عونه الراجل مرفوض له رسالة قد الدنيا
....... ايوة يا عم ما فيش حد قدك.
هوة بقه اللي مش راضى يبطل رزاله أول ما دخل وهو عمال يهدد ويتوعد اللي مش
قاعد في مكانه هنقصه درجتين واللي مش كاتب اسمه على الورقة هنقصه 3درجات – ما
فيش درجه أروح بيها – واللي مش معاه العدة بتاعته – عده تانيه غير النوكيا اللي
مع طوب الأرض –هنقصه درجتين واللي ألاقيه بيتكلم مع اللي جنبه ذنبه على اللي
جنبه وهنقصهم الاتنين درجتين – يا قلبك كل ده حافظه لا ده انت واجب عليك تكتبه
أمال هتقول الطقم ده للأجيال القادمة ازاى ده الواحد على كده يطلع من السكشن مد يون
– وفات السكشن على خير ورجعت البيت وطبعا بفضل الانتخابات اللي موجودة
دلوقتى ما شاء الله اليفط مضلله الشارع يعنى ما تحسش بأي حر كأن الناس عملت سقف
للبلد – كله طبعا تحت توجيهات السيد الرئيس – تمشي في كل حته تلاقى ده بيبايع
وده بيؤيد وده بيستهبل وواحد تانى بيهدد انه هيقطع هدومه لو الريس ما رشحش نفسه
– لم هدومك يا حاج و روح بيتكم بلاش عبط ده فين الفلتر ده اللي ممكن الريس يرشح
نفسه فيه –حتى لما روحت البيت كل حاجه عن الانتخابات.. تفتح الدش تلاقى القنوات
كلها انتخابات ..تفتح الجرايد برضه انتخابات ...تفتح النت كمان انتخابات...
تفتح الانتخابات تنزلك انتخابات .......... أنا طهقت
قعدت أتغدى ونمت شويه وبعدين قعدت أتفرج على التليفزيون تانى وإذ فجأتن:
- انتى يابنتى ربنا مش هيهديكى وتقعدى تذاكرى لك كلمتين
ينفعوكى ( دى ماما طبعا اللي قالت لي كده )
- ياماما لسه ما خد ناش حاجه في الكلية عشان
تتذاكر......... ماتقلقيش.
- أنا عايزاكى تعملي مشاوير ......انتى فاضيه؟؟
- فاضيه إيه يا ماما هوة أنا تاكسي؟
كل الحوار ده وأنا قاعده باتعذب وأنا باتفرج على التليفزيون وهم بيستعرضوا جولات
الرئيس وهو لابس لى بدل من غير كرافتات في حملته الانتخابية ( اللا كرافتيه)
قال يعنى لما يطلع ببدله من غير كرافتة ده اللي هي بينه شاب ما حنا عارفين
اللي فيها وإعلانات صبغه الشعر مالية البلد ...... حتى أم كلثوم خلوها تغنى (
يا رئيس امبارح ورئيس دلوقتى..يا رئيسي لبكره ولاخر وقتي)
وبعدين بمنتهى السذاجة سألتنى أختي :
- آنتى منرفزه نفسك ليه ماهى البلد ميه ميه وكل حاجه تمام والناس كلها موصله
الوصلة بتاعت الدش المركزي
يعنى ما فيش مشكله.
- ايوة ماهى ناقصاكى ... يبقى انتى والغباء المستحكم اللي شغال في
التليفزيون ده انتو الاتنين عليه.... اصل اللي ايده في الميه مش زي اللي ايده
في دورة الميه.
قلبت على قناة الأغاني شويه – يعنى ارحم نفسي حبتين – برضه الأغاني مكرره ..
أغنيه شيرين والكرسي.. أغنيه نانسى عجرم في التواليت.... أغنيه هيفا-أوى-وهبي
في الوادي وسبحان الله أغاني كتييييير كلها تانى عن الانتخابات وعن حب مصر – هم
لسه فاكرين-
واحد بيغنى كلام غريب قوى بيقول ( لما تلاقى في جرحك آلف واحد بيضحك عليك.....
وتلاقى في الشارع يفط المبايعة من حواليك
ده كلام جر جس وعم نصر .... يبقى آنت أكيد في مدينه نصر) طبعا أنا مش معترض
انه يقول جر جس في الأغنية البلد مش ناقصة فتنه طائفية وده لأني مؤمن بالشعار
اللي بيقول ( الدين لله والقراءة للجميع) أنا اللي مزعلنى إني عمري ما شوفت
بيت بسيط اتحول قصر والخير جواه مالوهش حصر ولو صدفة ....... لالالا استغفر
الله العظيم أنا كدبت أنا اعرف ناس ما كانتش لاقيه تاكل ولا حتى لاقيين اوضه
بصالة ودلوقتى عندهم اكتر من قصر...... اغفر لي يا رب.
كان الوقت بدأ يتأخر وعلى ما أظن أنا – وأعوذ بالله قولة أ ظن – جبت أخرى
و(كفاية) كده النهارده – ولا بلاش كفاية عشان في ناس بتزعل منها – ادخل أنام
عشان في كليه عندي بكره الصبح......... تصبحوا على خير[/color]

[center][color:7809=white][b]Mahlna Mahal Kita[/b]
[b]ـــــــــ[/b][/color]
[color:7809=white][b]اســـلام ســـالم
[img][ندعوك للتسجيل في المنتدى أو التعريف بنفسك لمعاينة هذا الرابط]
[img(160px,72px)][ندعوك للتسجيل في المنتدى أو التعريف بنفسك لمعاينة هذا الرابط]


[font:7809=Arial][b][font:7809=Verdana]ايه الحلاوة دي ياريس[/font][/b][/font]

[font:7809=Arial]
[color:7809=white][b]:x [/b][/color]
[/font][color:7809=white][font:7809=Arial Black][b]Eso[/b]
[img][ندعوك للتسجيل في المنتدى أو التعريف بنفسك لمعاينة هذا الرابط]


[font:7809=Arial Black][color:7809=white][img(178px,80px)][ندعوك للتسجيل في المنتدى أو التعريف بنفسك لمعاينة هذا الرابط]

[/color][/font][b][font:7809=Arial Black][color:7809=white]ـــــــــ

تحيـــــــــــــــــــــــــاتي


[/color][/font][/b][u][strike][b][font:7809=Arial Black][color:7809=white][url=http://www.0zz0.com/][img][ندعوك للتسجيل في المنتدى أو التعريف بنفسك لمعاينة هذا الرابط]

[url=http://www.0zz0.com/][img(124px,127px)][ندعوك للتسجيل في المنتدى أو التعريف بنفسك لمعاينة هذا الرابط]
[url=http://www.0zz0.com/][img(140px,137px)][ندعوك للتسجيل في المنتدى أو التعريف بنفسك لمعاينة هذا الرابط]

[/color][/font][/b][/strike][/u][font:7809=Arial Black][color:7809=white][b]التوقيـــــــــــــــــــع

[/b][/color][/font][b][font:7809=Arial Black][color:7809=white]فيا لقسوة قلوبهم
يعيشون بدونك ولا يريدون ان تعيش بدونهم
يغادرون زمانك وانت باقِ فى زمانهم
الى تصل الى قمه نسيانهم
فيصمت المك بداخلك
وتصمت احزانك بداخلك
وتسقط دموعك بداخلك[/color][/font][/b]
[b][font:7809=Arial Black][color:7809=white]فقد اصبحت كلمه كتبت بداخل ورقه فى كتب ذكرياتهم[/color][/font][/b]
[b][font:7809=Arial Black][color:7809=white][img(462px,278px)][ندعوك للتسجيل في المنتدى أو التعريف بنفسك لمعاينة هذا الرابط]

هيا دى فعلا يا ابنى الحقيقة
تسلم على موضوعك