حلم نفسي يبقى حقيقة

زمان كنا بنسمع عن الاحزاب وكان حزب التجمع واخد صيت انه دايما بيعارض الحكومة وعشان كده معظمنا حس ان العيب فى الحكومة
وانا كنت كده هو فعلا فيه عيوب فى الحكومة بس برده الشعب فيه عيوب
الاحزاب دى انا شايف انها ملهاش لازمة لانه لا يصح الا الصحيح لان احنا مسلمين ودينا واحد وقرانا واحد وربنا واحد ورسولنا واحد.
ايها الشباب ارجو توحيد الكلمة وابداء الاراء فى كل جوانب حياتنا بس باسلوب حلو بدون غلط فى شخص ولا ايذاء احد فى مشاعره او فيما يملك يعنى المظاهرات تكون بنظام محترم بدون غلط بدون تخريب مش نغلط ونخرب ونسمع كلام ناس فاشلة حاقدة وناقصة.
مصر ام الدنيا وكلها خير والخير ده عمره ما هيخلص فياريت لا ننقاد خلف الافكار الهدامة خلف الاشخاص الخطأ.
انا فى الحقيقة مش بحب الاحزاب وبقعد افكر اى حزب اختار ولاقيت انه الحزب الوطنى هو افضل الاحزاب لاسباب منها انه الحزب الاكتر اغلبية وأنه فعلا الحزب الحاكم.
انا مش محتاج حاجة من الحزب الحمدلله انا متيسر الحال ومستورة بس نفسي الناس كلها تكون مرتاحة ومبسوطة زى انا تمام.
فيه فقير وفى غنى دى سنة الحياة وخلقنا الناس طبقات مش حرام ولا العيب اكون فقير طبعا.
الحكومة غلطت اوكى وازاى بقه نخلى الحكومة تعرف انها غلطت بالسب والقذف والمظاهرت والتخريب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا طبعا
الحكومة عاملة مجلس محلى تابع للمحافظة وفيه وزارات كل دول منين؟
من خارج الدولة؟؟؟؟؟؟؟؟؟؟؟؟؟؟
للاسف من الشعب
والسؤال مين اختارهم؟
برده للاسف احنا
يبقى العيب فى الحكومة ولا فينا
بنروح نختار جهلة وسفلة القوم فى المجتمع ممكن يكون معاهم فلوس بس مش الفلوس المهمة
الاهم اننا نختار شخص لايبحث عن المادة يكون متعلم على درجة كافيه وبيسمع للناس عشان يوصل صوتهم للمسؤلين وانه جدير انه يمثلنا فى اى مصلحة حكومية
وياريت يكون من ولاد الاصول وياريت يكون عنده ضمير
ساعتها هنقدر نقول للحكومة انك غلطتى وهنقدر نسمع الحكومة صوتنا
قد تكون مش عارفه الحقيقة بين الشعب وقد تكون وحشة فعلا
لما نقدر نختار من يمثلنا هنقدر نغير الحكومة
نبدأ واحدة واحدة بالشخص المناسب فى المكان المناسب
انا بعارض الحكومة فى حاجات كتير جدا بس للاسف مين يوصل صوتى اذا كان اللى بيوصله هو اللى بينهش فى لحم الشعب.
كام سؤال كده ع السريع؟
كام موظف عنده ضمير؟
كام موظف جدير بكرسيه؟
كام رجل شرطة عنده ضمير وجدير بمنصبه؟
كام قاضى عادل؟
كام موظف بالمجلس المحلى عنده ضمير؟
وكام رئيس مجلس عنده ضمير؟
وكام وكام وكام وكام وانتا طالع كده لفوق
الناس دى منين مش مصريين ولا من بلد تانية؟ومين عينهم فى مناصبهم ومين اختارهم؟
يا شباب احنا بجد لازم ناخد موقف........................
نتعلم كويس مش لمجرد النجاح
نختار الشخص المناسب فى المكان المناسب
نستشير الاخرين فى افكارنا وارائنا
ونحترم جميع الاراء بس للاغلبية نسير ونختار
ونبدأ يا جماعه ببيوتنا باخواتنا باقاريبنا بجيرانا باصحابنا
ونتحد من اجل المصلحه العامه وليست المصلحة الخاصة
لما نتوحد ونختار الشخص المناسب هيتصلح حالنا بجد وياريت نختار شباب مش مسن ومش مريض ومش جاهل ومش بدون اصل وفصل لان ع الاصل دور..................................
يالا يا شباب يالا نراجع انفسنا ونغير افكارنا ومبادئنا ومش عيب اننا نتغير ونغير راينا طالما للصح ولمصلحة الجميع فالاعتراف بالحق فضيلة.
اختار صح هتبقى الحكومة صح
ولو الحكومة وحشة فلان مش لاقية الشخص المناسب
خلينا نبعد التشدد فى الدين والتعصب والاعتراض الدائم بلا سبب مقنع ونشوف الناس حوالينا بتفكر ازاى وعاوزة ايه
يا شباب انا وطنى وليس حزبى وهقول ارائى بكل صراحة وبلا خوف من اى مخلوق لانى عندى مبادىء واللى يخاف يبقى جبان واللى بيكذب جبان برده
ياريت اللى معترض على شىء يقولى بس ياريت بدون تعليقات خارج الموضوع لان عاوزين نتغير بجد ونشوف حل لانفسنا وفى حكومتنا
لازم نحلم ونحاول نحقق الحلم ولو فشلنا نحاول تانى وتالت ورابع ومليون هى دى الحياة التجديد والاستمرار حتى النهاية ومنضيعش حياتنا هباءا
ولازم نتحد يا جماعه احنا الشباب الخير فينا وفى النهاية لينا لما نشيب
لازم نقرب افكارنا ونقول ارائنا


ياريت تكونى فهمتونى والله العظيم وبحق من رفع السما للارض انا لا ليا فى احزاب وحوارات من دى ولا بحب اتكلم فيها ومش خوف وربنا يعلم واكيد الكل فى المنتدى يعرفنى كويس ويعرف انا مين بس بجد نفسي نكون احسن من كده وياريت محدش يفهمنى غلط من الاخوة بالاحزاب المتعددة

فى النهاية انا قلتى حلمى ولكم الاختيار
واسف على كلامى مقدما لو كنت اذيت مشاعر حد

اخى العزيز انت شفت جلسه اخر الزمن ارجو انك تكون متابع جيد للأخبار على الاقل برامج التوك شو وانت تعرف يعنى ايه احزاب دى نظم دوله يا شديد الفطانه لولا وجود الاحزاب لما كان الوطنى ولو تدرى بمعنى الاغلبيه لما قلت انك تحبه ولو علمت ما يفعله بعضهم تحت مسمى الوطنى لما وددت ان تبقى اخى العزيز ابحث عن الجلسه اللتى نشب فيها صراع بين العلامه مصطفى بكرى وعز وتعلم درسا جديدا فى الاغلبيه وحب الوطن