جدول مميز جداً لرمضان

بسم الله الرحمن الرحيم‏

أخواتى وإخوانى فى الله كل واحد منا نفسه يكون مميز جداً فى رمضان ونفسه يعمل رمضان ماحصلش ويعمل أكبر كم ‏ممكن من العبادات ليجمع أكبر قدر من الحسنات ومايضيعش ولا ثانية فى رمضان ويستغل كل دقيقة الإستغلال ‏الأمثل فى عبادة الله عز وجل، ولهذا نجد كثير من الناس يضعوا جداول مخصوصة للعبادات فى رمضان، وكل واحد ‏يبحث فى جداول الآخرين لعله يجد شىء مختلف أو فكرة مميزة فيضيفها لجدوله الرمضانى، وعشان كده أنا بحثت فى ‏مواضيع كثيره وفى جداول أكثر لحد ما جمعت بفضل الله عز وجل جدول فيه عدة مميزات:- ‏
‏ ‏
‏1- هذا الجدول يشمل اكبر كمية ممكنة من العبادات. ‏
‏2- برغم من كثرة العبادات فيه لكن يمكن تحقيقها بأقل مجهود.‏
‏3- تستطيع من خلال هذا الجدول أن تستغل كل ثانية فى رمضان أحسن إستغلال فى الطاعات.‏
‏4- فيه مجموعة عبادات غفل عنها كثير من الناس بالرغم من انها عبادات بسيطه وفى نفس الوقت ‏ثوابها عظيم. ‏
‏ ‏
لكن دعونا نكون صادقين مع أنفسنا ازاى هانقدر مع أول يوم فى رمضان نطبق فى جداول مليئة بالعبادات ونخشع ‏ونتعبد ونبكى ونشعر بالرحمات تتنزل على قلوبنا وإحنا لحد 29 شعبان كنا بنعصى ربنا وغافلين عنه والدنيا واخدانا ‏وقلبنا تاية وضايع، وعشان كده لازم نقوم بمجموعة خطوات قبل رمضان الخطوات دى هى إلى ها تخلينا نكون ‏مستعدين نفسياً وذهنياً وجسدياً لما يبدأ رمضان إن شاء الله.‏

أولا: فترة ما قبل رمضان:-‏
‏1- إنهاء الأعمال البسيطة:-‏
حاول خلال الأسبوعين القادمين أن تنهى أى أعمال متراكمة عليك، وأن تنهى الأعمال البسيطة التى من الممكن أن ‏تشغلك عن الطاعات فى رمضان (على سبيل المثال الموظف إذا كان متراكم عليك عمل فحاول أن تنهيه، ولربة المنزل ‏حاولى أن تنهى الأعمال المنزلية المتراكمة قبل أن يأتى رمضان) ولو هتعمل شنط إطعام وتوزعها فحاول أن تنتهى من ‏تجهيز الشنط وتوزيعها قبل رمضان.‏
‏2- التوبة:-‏
جاهد نفسك وتخلص من الذنوب وتب عنها وخصوصاً لو كان فيه ذنب بطلتة لكن لسه ماتبتش منه حاول تفتكره ‏وتتوب عنه، والموضوع ده مهم جدااااااااا لأن الذنوب ممكن جداً تقيدك عن الطاعات فى رمضان ولا تنسى قول ‏رسول الله صلى الله عليه وسلم (إن الرجل ليحرم الرزق بالذنب يصيبه )طيب وهى العبادات والأعمال الصالحة مش من ‏الرزق.‏
‏3- إبتعد عن المعاصى:-‏
جاهد نفسك بكل ما أوتيت من قوة بأن تبتعد عن المعاصى خلال الأسبوعين القادمين مهما كانت هذه المعاصى ‏بسيطة، يعنى امسك لسانك عن الغيبة وماتسمعش أغانى وغض بصرك…الخ، وكل ده عشان تحافظ على قلبك نقى ‏سليم لأنك ها تتمنى إنك تخشع وتبكى في رمضان لكن ازاى يخشع قلب محمل بكل هذا الكم من المعاصى، اصبر عن ‏المعصية لأن قلبك قاسى بما فيه الكفاية مش ناقص معاصى عشان يقسو أكثر من كده.‏
‏4- إقرأ عن صيام القلب:-‏
إقرأ عن الصيام، مش عن صيام البطن لا إقرأ عن صيام الجوارح (صيام العين وصيام اللسان والأذن) وصيام القلب ‏وأهمهم صيام القلب، خلى رمضان السنة دى مختلف هو إحنا مازهقناش كل سنة نصوم صيام البطن عايزين نعلو ‏ونسمو ونصوم صيام القلب ونصوم صيام الرسول صلى الله عليه وسلم والصحابه، ولو مرة واحدة فى حياتنا نخلى قلبنا ‏هو إلى يصوم مش معدتنا.‏
‏5- أكثر من العبادات المحببة إلى قلبك:-‏
حاول خلال الأسبوعين القادمين أن تعمل العبادات المحببة إلى قلبك العبادات إلى لما تعملها تشعر بأنك خاشع أكثر من ‏أى عبادة أخرى، وكل واحد فينا له عبادة لما يعملها يشعر بخشوع كبير ورقة فى قلبه وقرب شديد من الله سبحانه ‏وتعالى وهذه العبادة تختلف من شخص لأخر، يعنى فيه واحد يتأثر بعبادة التفكر وآخر يتأثر بقيام الليل وثالث يتأثر ‏بذكر الموت ..الخ، فحاول أن تعرف ما هى العبادة المحببة إلى قلبك وأكثر منها على قد ما تقدر، والهدف من كده إن ‏قلبك يتحرك ويتأثر ويخشع عشان لما يبدأ رمضان تلاقى الخشوع سهل عليك لأنك دربت قلبك على الخشوع من ‏أسبوعين. ‏
‏6- رد الأمانات:-‏
إذا كان عندك أمانات ردها لأصحابها مهما كانت بسيطة. ‏
‏7- أكثر من هذه الأدعية:-‏
إحرص على إن الأدعية هذه الأدعيه لا تترك لسانك من اليوم ولحد ما يبدأ رمضان عشان ربنا سبحانه وتعالى يعينك ‏ويفتح عليك فى عبادتة فى رمضان، ادعى بهذه الأدعية فى صلاتك وسجودك وفى كل وقت.‏
‏ (اللهم بارك لى فى شعبان وبلغنى رمضان، وارزقنى فيه من الصالحات ما يرضيك عنى، واجعلنى ‏فيه من عتقائك من النار ) ‏

‏(اللهم افتح على فى العبادة فى رمضان، اللهم ارزقنى فى رمضان أعمال ذاكية ترضى بها عنى)‏

‏(اللهم يا قوى قوى روحى وبدنى على طاعتك، اللهم أعنى على ذكرك وشكرك وحسن عبادتك، اللهم ‏حبب إلى الإيمان وزينه فى قلبى وكره إلى الكفر والفسوق والعصيان)‏

‏(اللهم هون على طاعتك فى رمضان، اللهم اذقنى حلاوة الإيمان ولذة الطاعة)‏

‏(اللهم اجعلنى أعبدك كما لم أعبدك من قبل )‏

‏8- تفكر فى أحوالك من رمضان الماضى إلى الآن:-‏
إجلس مع نفسك وشوف عملت ايه من رمضان إلى فات إلى الآن، يا ترى أعمالك الصالحه وحسناتك كانت أكثر أم ‏معاصيك وذنوبك، إن كانت أعمالك الصالحه أكثر فاحمد الله وحاول أن ترتقى إلى الأحسن والأفضل وأن تتقدم عن ‏السنة الماضية، وإن كانت سيئاتك أكثر وغفلتك أكبر فتب إلى الله وأكثر من الاستغفار واعزم على أن تكثر من ‏العبادات فى رمضان وأطع ربك بكل ما اوتيت من قوة لتلحق بركب الصالحين الذين سبقوك.‏

ثانياً: الساعة إلى قبل أول مغرب فى رمضان:-‏
الساعة إلى قبل أول مغرب فى رمضان ساعة مهمة جداً جداً جداً وبالرغم من أهميتها ناس كتير مش بياخدوا بالهم من ‏الليلة دي كلها وبيفتكروا إن رمضان بيبدأ مع أول يوم صيام‏
لكن يا ترى الساعة دى مهمه ليه ؟؟؟‏
الساعة دي مهمة لأنك هتقعد فيها مع نفسك وتستحضر نوايا كتير جداً تدخل بها رمضان هتستحضر نوايا لعبادات ‏التى ستقوم بهاطوال شهر رمضان، ساعة واحدة هتستحضر فيها نوايا ل30يوم، والساعة دى هى إلى هتخلى كل ثانية ‏مش كل دقيقة تمر عليك فى رمضان تاخد عليها ثواب‏

طيب ايه هى النوايا إلى المفروض استحضرها؟؟؟‏
‏1- إنوى أن تصوم رمضان كله إيماناً وإحتساباً لأن (من صام رمضان إيماناً وإحتساباً غفر له ما تقدم من ذنبه)، إيماناً ‏أى إبتغاء مرضاة الله، وإحتساباً أى تريد أن تأخذ الثواب، يعنى مش ها تصوم لأن دى عادة، هتصوم لأن دى عبادة.‏
‏2- إنوي أن تقوم رمضان إيماناً وإحتساباً، لأن (من قام رمضان إيماناً وإحتساباً غفر له ما تقدم من ذنبه).‏
‏3- انوي أن تقوم ليلة القدر إيماناً وإحتساباً، لأن (من قام ليلة القدر إيماناً وإحتساباً غفر له ما تقدم من ذنبه).‏
وخد بالك إن أنت لو لاقدر الله مرضت أو مت قبل ما تكمل 30 يوم صيام أو قيام، الله عز وجل سوف يعطيك ‏الأجر والثواب على 30 يوم إن شاء الله لأن نيتك كانت إنك تعمل العبادات دى لكن لم تستطع بسبب المرض أو ‏الموت لا قدر الله وعشان كده إستحضار النية قبل بدء العمل مهمة جداااااااااا. ‏
‏4- انوي أن تتفرغ لعبادة ربنا سبحانه وتعالى طوال هذا الشهر(أتحرك لإرضائه وأسكن لإرضائه وأتكلم لإرضائه ‏وأصمت لإرضائه)، وانوي ألا تنشغل عن الله سبحانة وتعالى، وحتى لو إنشغلت بجوارحك فاحرص على ألا ينشغل ‏قلبك عن ربك، وبالنية دى إن شاء الله كل دقيقة وكل ثانيه وكل نفس طول الشهر ده ها يكون فى ميزان حسناتك، ‏ودى نيه مهمة جدا‏
‏5- إفتح صفحة جديدة مع الله وانوي أن تعبد الله سبحانه وتعالى طوال هذا الشهر كما لم تعبده من قبل، انوي أن تعبد ‏الله جل وعلا أكثر من كل الناس، وان تبنى جسر التواصل بينك وبين الله عز وجل وأن يكون هذا الشهر (رمضان ‏‏1429) بداية عهد جديد مع الله، وإحفظ هذا التاريخ جيداً وقل لنفسك لن أكون مثل باقى الناس، سنين كثيرة ‏مرت وأنا مثل كثير من الناس إن لم أكن اقل، وسنين كثيرة مرت وأنا مش بتقدم فى عبادتى، معقول لسه عبادتك زى ‏ماهى من يوم ما إلتزمت، طيب ها تتقدم إمتى فى العبادة هتفضل زى ما انت لحد امتى، قل لنفسك كفاية جاء الوقت ‏إلى إن شاء الله أعبد ربنا فية أكثر وأحسن من كل الناس، ارفع شعار لا لعبادة الجوارح والقلب غافل، لا للصلاة ‏بدون خشوع، لا للقران بدون تدبر وبكاء، لا للذكر بدون استحضار عظمة الله، لا للدعاء بدون انكسار بين يدى ‏الله.‏
‏6- ضع شعار خاص بك فى رمضان، والشعار ده مهم جداً لان الشعار إلى ها تضعه لنفسك ده ها يحمسك وها يخليك ‏دائماً مركز على هدفك وكل ما تفتر عن العبادة تفتكر الشعار فترتفع همتك تانى وتقبل على العبادة بنشاط وهمه، ‏لكن خد بالك الشعار إلى ها تضعه لنفسك لازم تلتزم به واوعى تتنازل عن شعارك ولا تغفل عنه ولو حتى دقيقة، ‏عشان مايضيعش الهدف إلى انت بتسعى إليه فى رمضان لأن الشعار ده هو خلاصة الهدف إلى انت عايز توصله ‏بعبادتك فى رمضان، وأحسن حاجة أن يكون لك شعار لجوارحك وشعار لقلبك شعار الجوارح (سأعبدك يارب ‏كما لم أعبدك من قبل)، وشعار القلب (أنا وقف لله تعالى) بمعنى إياك يا قلب أن تفكر أو تهتم أو تنشغل طول ‏رمضان بأى حد غير ربنا عز وجل، أما بالنسبة للجوارح مش ها نقول لا للمعصية أو إننا لازم نترك معاصى الجوارح، ‏لا السنة دى مش ها نقول الكلام ده لأن الكلام ده قلناه من سنتين أو ثلاثة، السنة دى الجوارح مش ها تعصى لأنها ‏مشغولة بأنها تعبد ربنا كما لم تعبده من قبل، العين مشغولة بقراءة القرآن والبكاء من خشية الله، واللسان مشغول ‏بقراءة القرآن والذكر...الخ، يبقى ازاى الجوارح ها تعصى ما هى مش فاضية للمعاصى أصلاً، وبمجرد ما يؤذن أول ‏مغرب في رمضان إرفع شعار القلب والجوارح.‏

ثالثاً: جدول رمضان:- ‏
‏1- الصلاة:-‏
تسوك ثم توضأ وإجلس فى مصلاك قبل الصلاة بـ 10 ق (يقول أحد الصالحين إنما الأذان للغافل) إجلس فى مصلاك ‏لكى تستعد للصلاة إستحضر عظمة الله وإستشعر بين يدى من ستقف وفكر فى كل حاجة ممكن تخلى قلبك يخشع ‏سواء ذكر الموت أو الجنة أو النار، ثم صلى الفرض وإياك أن تترك النوافل، ثم قل أذكار ما بعد الصلاة.‏
إحرص على صلاة التراويح يومياً وصلاة التهجد يومياً وإجعل يوم فى الأسبوع تصلى فيه 100 ركعة.‏
الهدف(30 يوم السنن الرواتب, 30يوم تراويح, 30يوم تهجد, 4ايام في الأسبوع أصلى 100ركعة)‏
‏2- القرآن:-‏
انوى أن تختم القرآن أكثر من مرة ولكن السنة دى بخشوع وتدبر، وخد عهد على نفسك مش هاأقرأ القرآن وأنا ‏سرحان أو غافل، وإفتكر دائماً إن الهدف من كل العبادات إن القلب يتأثر ويخشع، وإن السباق فى رمضان سباق ‏القلوب (قال بن مسعود رضى الله عنه: لا تَنْثُروُه نثْرَ الرَّملِ ولا تهذُّوه هَذَّ الشِّعْرِ، قِفُوْا عند عجائِبِه وحَرِّكُوا بهِ ‏القلوبَ ولا يكنْ هَمُّ أحَدِكم آخِرَ السورةِ، ولا بأْسَ بالسرعةِ الَّتِي ليس فيها إخْلالٌ باللفظِ بإسْقاط بعضِ الحروفِ أوْ ‏إدغام ما لا يصح إدْغامُه، فإنْ كان فيها إخلالٌ باللفظِ فهى حرَامٌ لأنها تغييرٌ للقرآنِ).‏
الهدف(ختم القرآن بفهم وخشوع وتدبر3مرات، مرتين قراءة عادية ومرة اختمه فى قيام الليل)‏
‏3- الدعاء:-‏
حدد 5 او6 دعوات ادعى بهم فى كل الأوقات، وفى الثلث الأخير من الليل صلى ركعتين صلاة الحاجة ثم ادعى ‏بالدعوات إلى حددتها.‏
الهدف(صلاة الحاجة يومياً فى الثلث الأخير من الليل ثم الدعاء، مع الإلحاح بالدعاء فى كل الأوقات)‏

‏4- الأذكار:- ‏
إجعل لك وردين من الأذكار، ورد من الذكر على مدار اليوم تقوله أثناء عملك أو أثناء الأعمال المنزلية وإعداد ‏الطعام، وورد آخر تخصص له نصف ساعة أو ساعة بالليل تجلس وحدك تذكر ربك بخشوع وحضور قلب. ‏
الهدف(المحافظة على وردين من الذكر، واحد بالنهار أى على مدار اليوم، وآخر بالليل لمدة نصف ساعة يومياً)‏
‏5- الاستغفار:-‏
إستغفر يومياً لمدة نصف ساعة قبل الفجر أى وقت السحر يقول الله جل وعلا (وبالأسحار هم يستغفرون)، تذكر ‏ذنوبك ومعاصيك وغفلتك وإستغفر عن كل إلى ما فات بإنكسار وندم.‏
الهدف (إستغفار يومى لمدة نصف ساعة قبل الفجر بندم وإنكسار)‏
‏ 6- الصدقة:- ‏
تصدق يوميا وانت عائد من صلاة التراويح بصدقة خفية لايعلمها الا الله وحده وتصدق ولو حتى بنصف جنيه على ‏حسب مقدرتك وعدد نواياك وانت بتتصدق,اما فى العشره الاواخر فتصدق يوميا لان الصدقه فى ليلة القدر كانك ‏بتتصدق لمدة 84 سنة.‏
الهدف (اتصدق يوميا صدقه خفيه لايعلمها الا الله سبحانه وتعالى وخصوصا فى العشره الأواخر) ‏
‏7- إختم القرآن فى 3 دقائق:-‏
قال رسول الله صلى الله عليه وسلم (إن الإخلاص تعدل ثلث القرآن )يعنى لو قرأت سورة الإخلاص 3 مرات يبقى كأنك ‏ختمت القرآن،طيب إيه رأيك تختم القرآن 240 مرة فى رمضان؟‏
بس إزاى؟؟؟؟
أقولك إزاى،كل ماتيجى تقرأ فى المصحف إقرأ سورة الإخلاص 3 مرات بنية ختمة قرآن وبعد كدة إقرأ وردك ‏اليومى من القرآن وبعد ما تنتهى من المصحف إقرأ سورة الإخلاص 3 مرات بنية ختمة قرآن تانى يعنى لو هاتقرأ فى ‏المصحف 4 مرات فى اليوم يعنى 8 مرات ختمة قرآن بسورة الإخلاص يعنى فى الشهر بـ 240 ختمة قرآن.‏
الهدف (قراءة سورة الاخلاص 3 مرات قبل وبعد القراءة فى المصحف بنية ختمة قرآن أى بما يعادل 240 مرة)‏
‏8- الإعتكاف:-‏
بالنسبة للنساء كل ماتدخلى المسجد لصلاة التراويح انوى الإعتكاف، وإعتكفى مرة كل أسبوع فى المسجد من الظهر ‏للعصر، وكذلك بالنسبه للرجال كل ماتدخل المسجد انوى الإعتكاف وإعتكف فى العشرة الاواخر.‏
‏9- المناجاة:-‏
إجلس فى غرفتك وحدك لمدة ربع ساعة يومياً فى الثلث الأخير من الليل تناجى ربك ولو حتى بالعامية، إستشعر إنك ‏تكلمه بجد قل له كل ماتشعر به حزن أو فرح أو ألم، تكلم مع الله فهو أقرب إليك من حبل الوريد فقد يفتح الله لك ‏فى مناجاته حتى تصير الربع ساعة ساعات وأنت لا تشعر.‏



‏10- نيه فيما لا تملك:-‏
أحيانا بيبقى نفسنا نعمل حاجات لكن بيبقى مش فى إستطاعتنا تنفيذها، على سبيل المثال نفسى يا رب أعمل عمرة فى ‏رمضان لكن مش قادر، أو نفسى افطر كل الفقراء الى فى بلدتى وأفرحهم وادخل السرور على قلبهم لكن مش فى ‏إستطاعتى)‏
طيب إيه رأيك لو تأخذ ثواب كل النوايا دى، مش الرسول صلى الله عليه وسلم قال( لكل إمرىء ما نوى )، كل يوم ‏إستحضر نية شكل، يعنى أول يوم رمضان إستحضر نية إن لو كان معى فلوس كنت أطعمت كل الفقراء الى فى ‏بلدتى، وتانى يوم نية إن إنت تعتمر وتحج كل سنة..وهكذا، وكل يوم إستحضر نية مختلفة وخليك صادق فى نواياك ‏بحيث إن لو كانت معك الإمكانيات دى بجد كنت تنفذ الى إنت نويته، وإن شاء الله تطلع من رمضان بجبال من ‏الحسنات بسبب هذه النوايا.‏
‏11- حجة وعمرة مع الرسول صلى الله عليه وسلم:-‏
إحرص على أن تجلس بعد صلاة الفجر تذكر الله وحتى الشروق ثم تصلى ركعتين لتأخذ ثواب حجة وعمرة تامة مع ‏الرسول صلى الله عليه وسلم إذا لم تستطع يومياً فعلى الأقل مرة كل أسبوع.‏
الهدف (الجلوس بعد صلاة الفجر اذكر الله حتى الشروق ثم صلى ركعتين ولو مرة كل اسبوع)‏
‏12- العاديات:-‏
كل العاديات الى هتعملها خلال رمضان زى الأكل أو النوم ماتعملوش إلا بنية، ولوعملت كده هاتتحول العادة الى ‏عبادة تأخذ عليها ثواب، يعنى قبل ماتنام نام بنية التقوى على عبادة ربنا أو هنام بنية إنى أقدر إن شاء الله أقوم أصلى ‏الفجر وإحتسب نومتك وقل اللهم إجعل نومى هذا فى ميزان حسناتى، وهكذا بالنسبة لباقى العاديات مثل الأكل، ‏المذاكرة، والشغل... الخ‏
‏13- إحتساب الأعمال:-‏
كل عمل تعمله وكل عباده إحتسبها عند الله عز وجل، عشان تأخذ ثواب العبادة وثواب الإحتساب كما قال عمر ‏بن الخطاب، يعنى تعمل عبادة واحدة وتأخذ ثوابين ثواب العمل وثواب الإحتساب، فما بالك لو كمان عددت النوايا ‏عند كل عبادة شوف انت هتاخذ ثواب قد إيه.‏
‏14- المحاضرات الدينية:-‏
اثناء الاعمال المنزلية احرصى على ان تشغلى وقتك بالذكر وسماع الشرائط الدينية ولا تتركى هذا الوقت يضيع هباء.‏