الشبكة

السلام عليكم
عندى موضوع للنقاش ياجماعة وارجو من الجميع مناقشتها الأ وهى الشبكة ايوة شبكة العروسة اللى باتت الشغل الشاغل لشباب ميت سلسيل واقصد شباب ميت سلسيل بالذات لأن بلدنا الوحيدة على طول الخط من المنصورة الى المنزلة اللى حمواتنا الفاتنات اللى بيبالغوا فى مهر وشبكة العروسة وكتير من الزيجات تعطلت زواجهم بسبب الشبكة اللى خلت نصف شباب ميت سلسيل وانا واحد منهم يتجة اللى العمل خارج مصر لتوفير متطلبات الزواج .
فى مدينة الشرقية تتخيلو بثلاثة الاف جنية ممكن تتزوج والله العظيم وحكى لى زميل ودى معلومة مؤكدة انة فى بعض مدن الشرقية يذهب العريس قبل الدخلة بيوم لمحل الذهب ويقوم باستأجار شبكتة لمدة يومين والله الكلام دة صحيح ويلبسها للعروسةفى الحفلة وتانى يوم يرجعها مقابل مبلغ من المال ههههه .
اما عندنا ياسلام سلم عايزين شبكة ب30 الف الله اكبر ياعنى انا متغرب وطالع عينى عشان اجيب شبكة 30 الف امال الشقة والجهاز اعمل فيهم اية .
وفى ظل ارتفاع اسعار الذهب ال30 الف دول يجيبو اية ميجيبوش حاجة

[color:3f57=red]قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "[/color]

وانا شخصيا المشكلة دى قلقانى لانى قاربت على توديع العزوبية انا والحمد لله قادر اجيب بس بعدها هكون على الحديدة هههههههه
سبب الموضوع غيرى ليس بقادر على ذلك واعرف اكثر من شخص يتقدم وميحصلش نصيب بسبب الشبكة الله يلعنها الشبكة ,

وطلب اخير اللى يعرف عروسة لآخوكم مش عاوزة شبكة يقولى ههههههههههههه وشكرا انا طبعا بهزر بس المشكلة كبيرة ومش موجودة غير فى البلد وارجو المشاركة وابداء الأراء

ولو ملقتوش حل هتخلونى اتجوز من برة البلد انتوا احرار هههههه
مستنى ردودكم وحلولكم واية السبب انها موجودة عندنا بس لية لية لية ؟؟؟؟؟؟؟؟

[b]شبكة ايه ياعم عمرو[/b]
[b]طيب تيجي هي في الشبكة بس ، تصق بالله انا شفت جوازة اتفضت علي مرتبة والتانية اتفضت علي 1000جنيه زيادة في المؤخر والتالتة اتفضت علشان في خدش في الدولاب وهو بيتنقل .[/b]
[b]ياراجل بلا قرف[/b]
[b]تصدق بالله ياعمرو[/b]
[b]انا خلاص ناوي ان شاء الله اني اما اتجوز هتجوز من بره البلد[/b]

ايه ياجماعة المبالغ الخرافية دى وبعدين شبكة ايه وبتاع ايه اهم حاجة راحة البال
انما الكلام الفارغ دا اسمه منــــــــــــــــظـــــــــــــــــــــــــرة
وانا مش بقول ان العريس مش يجيب شبكة لا لازم يجيب لانها بتبقى فرحة للعروسة بس حاجة بالعقل كدا لازم يكون فيه رحمة شوية فى الطلبات
وبلاش المغالاة دى
كل بنت نفسها يجيلها احسن شبكة وكل شاب نفسه يجيب برده بس الامكانيات لازم يكون فى شوية احساس بالشباب
ربنا يهدى الناس شوية ويبطلوا الحاجات دى
وربنا يوفقك ان شاء الله وتلاقى بنت الحلال اللى تبقى مامتها متطلبش الشبكة اللى ب 30.000 الف دى وربنا يسترها علينا بعد كده

تشرفت بمرور حضرتك بس المشكلة دى موجودة فعلا بلدنا الوحيدة اللى بتحب المنظرة
حتى 30000 ميجيبوش حاجة دلوقتى المشكلة فى اللى مش قادر المهم الراحة النفسية

[img][ندعوك للتسجيل في المنتدى أو التعريف بنفسك لمعاينة هذا الرابط]

ربنا يهديك ويرزقك بالزوجة الصالحه انا كمان بقول ان فيه مشكله تانية اخطر من الشبكة اسمها النيش حد يقولى بالله عليكم ايه لزومه بالحاجه اللى فيه

[b]ههههههههههههههههههههههههههههههههههههههههههه[/b]

فاترينة للعرض وملهاش اى لزمة اكتر من كده

يا جماعة فى مشكلة كبيرة عندى ورق الحائط اعمل فية اية

وفى حاجة تانية اسمها الدفرسوار ولا الدلسوار نفسى اعلق فى الصالة مكرمية فيها مراية ههههههه