هتتجوز رقاصة؟ وانتى هتتجوزى صبى عالمة ؟

[center]

المكـــــان : قاعة أفراح فاخـــرة فـــي حـــي مــن أحيـــاء القاهــــرة الراقيـــة

الزمــــان : أكيد بالليــــل بلاش غبــــاوة مش قلنـــا قاعة أفـــراح

المناسبـــة : بم انهـــا قاعــة أفراح هتبقـــي ايه

تضـــامنـــا مع الشعب الفلسطيني يعنـــــي

طبعــــــــا فرح يا بني آدمين


مشهـــــــــــد أول

ليــــل خارجــــي وموسيقـــي التت والتوربينــــي ، ومقتطفات من رائعة النغم الأصيل

العنب العنب العنب

ودخـــلة رومانسية لفنانة الجماهيـــر ومحركة مشــــاعر الرجــــال

إليســـــا

مشهـــد جانبي

علي مائدة قريبة من الكوشــــة دار الحوار التالـــي

الأم : يا بت قومي إرقصـــي جايز توقعـــي الواد ريكي في شبكتك

البنـــت : وانتى هتوصينــي ، أنا عارفة أنــــا هعمـــل ايه اطلعــــي انتى منهـــا

الجدة بتمصمص في شفايفهـــا : عشنـــا وشفنـــا ما تلمـــي بنتك يا عطيــــات

ازاى تخرجيهـــا عريانة كده

الأم : جري ايه يا حمـــاتي ما تخليكي في موبايلك اللي عمـــال يرن وما نعرفش ده مين

لأ وكـــل حبــة رايحــــة الـــ WC وغمــزت لهــــا وقالت : طب ما تتكلمي قدامنــا يا جميــل

البنــــت : يحرقكم عيلــة فقـــــــر اسكتوا بقــــي ريكــــي طـــالع ع المسرح أهـــو


مشهـــــــــــد 2


ريكـــــي ع البســـت مقطـــع البنات كلهـــا رقص ولا أجدع رقاصات شارع الهـــرم

وضارب شعـــره علقة سخنة في الخلاط لمـــا عادمـــه العافيــــة

البنت فجـــــأة قلعت الجاكـــت وطلعت مع ريكــي وهاتك يا فيــن يوجعــك

وفي الخلفية أغنيــة وطنية شعبية شبابية بتقـــول :

البـــت وسطهـــا سايب

والواد معاها مش جايب

وايييييييييييييييه

وطبعـــا دي من تأليفي لأنـــي هألف بعــد كده كـــلام اسفاف للأفراح والطهــور وعلي كل لون يا باتستا

مشهــــــد 3

فيفي : صاحبتـــك نونـــا دي رقاصـــة بنت رقـــاصة

سهـــا بترد علي فيـــفي : وريكــــي كمـــان بيقلــد كل حركات فيفي عبده الجامده

شايفه وسطــه ، شايفـــه عوده ، طب بصي بصي بصي كده

شايفه قصعته ، ولا رعشــــته

ياااااااااااااااااااااااااااااااااااااااي

فيفي : أكيد هيحــط نونـــا تبع الـــ tOp10 للشهـــر ده

سهـــا : ما أنا قلتلك لو كنــــا واحنـــا صغيرين اتعلمنــا الرقص ، وقضيناها كباريهـات شارع الهرم

وحفلات ريكـــو كنــــا بقينــــا بنات أنابيـــــــب ومكانتش البت دي عرفت تاخد ريكي مننـــا أبدا

مشهـــــد 4

كيمـــو واقف مع عبد الله

كيمو : مش عارف ليــه وسطي سايب يا بيدو

ما تيجي نرقعلنــــا هزتين في الأوكيه ع السريع ونعرق حبــة وكمان جايز نعجب مزة برقصنـــا

عبد الله : قلتلك يا كريم خليك محترم يا اخي وبعدين ما تقوليش يا بيدو أنا بحب اسم عبد الله ده

كيمو : وأنا مالي ما عادتش تفرق بيدو من عبد الله أنا طالع يا مكلكع أنقيلي مزة أرقص معاها

متعرفش ان المزيكــــا بتتكلم عربي يا بيدو ولما بتنادي الجسم جسمي بيهرتل

أوووم بالليـــل لأ أوووووم ع العصـــر أنـــــا

عبد الله : لا حول ولا قوة الا بالله هوه ده زمــــن المسخـــرة والعياز بالله أنا هسلم ع العريس واخلع

كيمو : ولا أجدع رقاصـــة هيهيهيهيهييه هيئ

طب اديني مسخرة في العضـــل

مكانش اديهـــاني وريــــد بس خلي بالك ليهرب منك

يا معقد ده رقــص هو أنا بقولك ننحرف ونسكـــر والعياذ بالله


مشهـــــــد ختامــــــي

الفــــرقة تعزف موسيقي الزفـــة النهائية

عربية تحمــل العروسين المرهقين من كتر الرقص لعش الزوجية

وريكي خد في ايده نونــــا وسارح بيهـــــا

وكيمـــو بينشف عرقـــه من كتر الرقص

الأم ادت بنتهـــا بوسة وقالتلهــا متتــأخريش لبعــد الفجـــر ولا معاكى مفتاح

طب لو جيتى ع الفجر هكون صاحية عشــان أصلي قبــل ما أنام

الجدة في الـــ WC معــاها تليفون ع المحمول

تترات الفيــــــلم

الممثلين حسب الظهـــور

الأم

البنت

الجدة

ريكي

فيفي

سهــــا

كيمو

عبد الله

الفرقة الموسيقية

والســــــــــــــــــــــــــــــؤال زي ما اتعودنــــا خلاص

بالنسبـــة للراجـــــــــــل

1- هتسمح لمراتك في الفرح ترقص وتهز جسمهــــا قدام كل الناس

2- لو انت لســـة ما اتجوزتش تسمح لخطيبتك أو لحبيبتك بالرقص في الافراح كده عيني عينك

بالنسبــــة للفتــــــــاة

1 - يا تري تفكيــــرك ازاى لو انتى في فرح ولقيتي شاب بيرقص ع البست

2 - ممكن ترتبطي بيـــــه

[/center]