سرقة الموتوسيكلات وايه اللي وراها

[b]اولا انا واحد من اهل البلد دي ويهمني جدا مصلحتها زي كتير جدا غيري ، ولفت انتباهي في الاونة الاخيرة حاجة غريبة جدا ومهمة جدا وهي سرقة الموتوسيكلات ومش عارفين ايه الحكاية ، ومش عارفين ايه الموضوع .
يعني الواحد بمجرد ما يبعد عن الموتوسيكل بتاعه ويبص وراه ما يلاقيش الموتوسيكل بتاعه 
وواحد تاني بينزل من علي الموتوسيكل بتاعه فواحد بيقوله متسيبش الموتسيكل داير علشان واحد ممكن يركبه وراح راكبه وماشي .
المهم انه في الاول والاخر ومهما اختلف اسلوب السرقة المهم انه اتسرق في الاخر
واللي يغيظك ان لو رحت المركز يقولك ماشي اعمل بلاغ وربك يسهل وحلني بقي وابقي قابلني لو لقيت الموتوسيكل ، واللي يغيظ اكتر وانت خارج من المركز ييجي امين شرطة ويقولك انا ممكن اجيبلك الموتوسيكل بس هتدفع ويعيني هتدفع علشان الموتوسيكل ييجي ومصالحك تمشي 
يعني من الاخر حاميها حراميها .
وناس كتير  جدا من البلد اتسرقت موتوسيكلاتهم
ومن اشهرهم
المعلم عادل الغريب الجزار ، والاستاذ فتحي الرفاعي وناس كتير جدا
وللموضوع بقية
[/b]

[b]جميل جدا بس ياريت بقي لو يبقي فيه قائمة بجميع أسماء اصحاب الموتوسيكلات اللي اتسرقت
ورجاء من الاخ ( بموت في بلدي ) عدم المساس بسمعة أي شخص مهما كان
فهذا المنتدي لم ينشأ للمساس بأي شخص او للتجريح بأي شخص
شكرا علي هذا الموضوع المهم وننتظر المزير وونتظر التسجيل معنا في المنتدي[/b]