موضوع ارجو النقاش الجاد وهو مهم

كنت جالس مع نفسى راودنى تفكيير وقلت لية ما اطرحش الموضوع دة فى المنتدى العملاق والذى يشرف بان يحمل اسم ميت سلسيل الموضوع ان كنت بقول لنفسى احنا فين من العمل السياسى و والى اين هى ذاهبة ميت سلسيل والبلاد التابعة لها اين نحن يا جماعة من الخدمات اريد ان اطرح سؤال لو حبينا نقول مين هو العضو النيابى الذى خدم هذة الدائرة العريقة طبعا احنا ما قدمناش غير ان احنا نبص للابناء المنزلة العضو احمد شلباية والعضو محمد القيرانى من غير ما نغلط فى حد اريد منكم ان تجيبونى عن ماذا فعل العضوان لنا وبالمقارنة بالماضى انا عارف ان الكلام فى الماضى مش بيقدم ولا ياخر بس لازم نقول لنفسنا لو كان ابن القرية التى بجوارنا وهى قرية الكفر الجديد وهو العضو السابق ابراهيم عماشة ما زال موجود هل دا كان هيبقى حال بلدنا ولو كان ابن بلدنا العضو المحترم محمد سعدة نجح هل كان سيكون دا حالنا مش هقول راى الا بعد ما اعرف رايكم اية فى الكلام بس ارجو ان يكون الحوار يهيمن علية العقل والفكر الصحيح وليس العاطفة وعلى فكرة دى اول مشاركة ليا فى المنتدى وانا سعيد جدا بالانضمام لهذا المنتدى وسعيد ايضا بروح القائمين علية وربنا يوفقكم كمان وكمان

بجد موضوع جميل وفكرته احلى وكويس ان فيه لسه شباب بتفكر كده
كرسى ميت سلسيل ضاع فى المجلس بسبب انه فيه ناس بتفكر فى مصالحها الشخصيه
تخيل لو كان كل اهل ميت سلسيل اتحدوا فى التصويت لابن بلدهم مش كان هيكون لينا كيان وكانت الخدمات هتكون افضل مما هى عليه الان؟
انما ده طبع فينا دايما نشجع الغريب حتى لو اسوا
كل واحد بيخدم البلد اللى هو منها بس والاستاذ ابراهيم عماشه كده برضه عمل كتير للكفر الجديد
انما فين ميت سلسيل وفين ابناءها؟
اذا كان المنتدى ده نفسه بيعبر عن واقع البلد ..كان ممكن يكون حاجه مفيده انما الشباب والاعضاء سايبينه مهجور
من فين لفين لما تلاقى موضوع كويس
يبقى ازاى ميت سلسيل هتتغير واللى فيها كدة؟

شكرا لصاحب الموضوع

[ بسم الله والصلاة والسلام على رسول الله سيدنا محمد نبى الله ومصطفاه ]

[[color:8d5a=red]b]اخوانى الاحباء ان لميت سلسيل دور هام وبارز ولكن للاسف الخطأ الفادح فينا وبيننا

متفرقين لا نتفق على شخص واحد [/[/color]b]
[b]نريد شخص مثقف واع تتوفر فيه سمات العضو الناجح يكون من ابناء مركز ميت سلسيل خدوم خبرة كبيرة

بالبلدى كده عايزين واحد لا يهمه مصلحته ولا بدلة وكرفت وبس ويتعالى على خلق الله ووعود لا اساس لها ولا يستطيع تحقيقها يكون ابن الحكومه ليستفيد بخدماتها مما يعود على ميت سلسيل بالخير[/b]
دعوة نطلقها [b[color:8d5a=yellow]]ميت سلسيل فوق الجميع [/color][/b]

فاننا فعلنا كل شئ فلنتوحد ونرى

[b[color:8d5a=cyan]]وارجو من احبائى الكرام البعد عن التشاؤم ونغمة البلد فيها ناس بتبوظها كل يفعل ماعليه وهناك قائمين على مصلحة ميت سلسيل شرفاء ومعى الدليل واوراق تثبت ذلك ولكن نحن نتمنظر على بعضنا البعض
مستخدمين ما اوتينا من الفاظ نحفظها لكى نعيب بعضنا البعض فإلى مــــــــــــــــــــــــــــتى[/color][/b]


[color:8d5a=yellow][b]لابد ان نقف يد واحدة من اجل المصلحة العامة وكل فرد لا يبحث عن مصلحته الشخصية [/b]وفقنا الله جميعا الى مافية الخير لبلدنا الحبيبة ميت سلسيل [/color]
[color:8d5a=cyan][b]والى الامام دوما يا ميت سلسيل[/b][/color]

[color:8d5a=yellow] [b]محاسب/هانى الامير
عضو مجلس محلى مركز ميت سلسيل[/color][/b]

[color:c1d4=cyan]السلام عليكم ورحمة الله وبركاته [/color]
[color:c1d4=#00ffff]اولا يا جماعة بجد الفترة اللى فاتت دى كنا بنشوف الناس بتدور على المصلحة الخاصة دون المصلحة العامة كما اشار اليها الاستاذ هانى الامير علشان كده احنا لو حانا مش عاجبنا فده لان احنا اللى وحشين فى حق نفسنا وحق بعض وكل واحد همه نفسه وبس همك على بلدك يبقى صلح من نفسك الاول قبل ما نتكلم على غيرنا [/color]
[color:c1d4=#00ffff]تانيا يا شباب مفيش حاجة بتتعمل مرة واحدة ولا فى يوم وليلة كل حاجة بالصبر انت اولا فى بلد نظامية ويسود عليها الطابع الروتينى وللاسف طابع روتينى بطيئ جدا وده يعتبر عيب فى ادارة الدولة او الحكومة وعليها باصلاح ده [/color]
[color:c1d4=#00ffff]تعالى بقى الاول قبل ما تقول عاوز اشوف فكر.... وحط نقط تمشى عليها وطريق مش تمشى [color:c1d4=yellow]جهجهونى[/color] كده وخلاص وده برضه ناقص الى حد ما فى البلد وطول مافيه كل واحد يقولك كلمة ( [color:c1d4=yellow]يروحوا يعملوا ويفرجونا[/color]) دى اللى جابتنا ورا [/color]
[color:c1d4=#00ffff]ليه مش كل واحد يقدر يساعد يروح ويساعد بدل مايرمى الحمل على فئة معينة ؟[/color]
[color:c1d4=red]عرفت مؤخرا ان الكردى عاوزة تاخد الاجهزة الطبية من مخازن مستشفى ميت سلسيل من الاستاذ هانى الامير منذ يومين [/color]
[color:c1d4=#00ffff][color:c1d4=red]وشرح لى اللى بيحصل وقالى عاوزين البلد يبقى ليها رايى[/color] بدل ما تقعد الناس تشتكى بعضها فى البلد روح يا اخى اشتكى فى الوزارة فلوسك اللى جاية للبلد بتتنقل لناس تانية والمجلس المحلى بيحاول يعمل حاجة علشان يوقف القرار ده [/color]
[color:c1d4=#00ffff]هتقولى مكنتش عارف هقولك اهو انت عرفت فرجنى بقى يابن ميت سلسيل هتعمل ايه بدل ما بتقعد تعادى فى جارك واخوك او غيره من اهل بلد روح شوف مصلحة البلد احسن واشتكى خد حقك [/color]
[color:c1d4=#00ffff]ياجماعة بجد ده موضوع خطير لو الاجهزة دى طلعت بره المستشفى مش هترجع تانى ولا هيجيبوا مكانها اعملوا حاجة المجلس لوحده مش هيعمل حاجة واللى يعرف يساعد باى شئ من علاقات وغيره يقدم المساعده علشان لما يجرى لحد حاجة لقدر الله من اهله واهل بلده ميت سلسيل يلاقى حد يعرف يعالجه بدل ما نطلع بره ندور على يعالجنا [/color]
[color:c1d4=#00ffff]الموضوع ده فى غاية الاهمية وبرضه كما قال الاخ [color:c1d4=red]الملاك الطاهر وسيف الحق[/color] مفيش حد يساعدنا واحنا اللى عملنا فى انفسنا هذا وطلعنا وضاع مننا الفترة اللى فاتت مكانا فى مجلس الشعب كالعادة من قبل وان دل فانه يدل على ان الاعضاء كان هدفهم مصالح شخيصة وليس مصالح عامة للبلد [/color]
[color:c1d4=#00ffff]مش بقول نفكر فى اللى فات بس نتعلم بقى منه [color:c1d4=violet]وارجوا من الاخ الاستاذ هانى الامير[/color] ان يحاول شرح ذللك فى موضوع جديد ويحاول شرحه لكى يعرف الناس مايجرى ف ى ميت سلسيل ولتكن من هنا نقطة البداية لعلها خيرا ويكون لهذا المنتدى تاثيره ويكون له صدى صوت يؤثر ويعبر عن ما بداخلنا وما بداخل اهالى ميت سلسيل لذلك اريد من جميع الاعضاء من ابناء ميت سلسيل المثقفين والمفكرين الشرفاء ان يقول رايه ويحاول يعمل حاجة للبلد على قدر المستطاع ولو بالرايى ابسطها الناس لما تحب تعرف ميت سلسيل تشوف احنا بنكتب ازاى وبنقول ايه [/color]
[color:c1d4=#00ffff][color:c1d4=yellow]عذرا على الاطالة او العنف اذا كانت موجوده فى كلماتى[/color] [/color]
[color:c1d4=#00ffff]تحياتى[/color]

[color:3871=cyan][b]أولا : أشكر الملاك الطاهر على هذا النقاش الذى سيعود نفعه بإذن الله على توحيد الصفوف وتغيير المفاهيم لدى بعض الناس

ثانيا : ميت سلسيل أصبحت فى وقتنا الحالى وبصورة مُلحة أن يكون لديها أحد المقعدين فى مجلس الشعب أو الشورى
وإن كنت اتمنى ان يكون فى مجلس الشعب

نتمنى أن تتوحد الصفوف وأن نكون جميعا خلف رجل واحد والتى لاحظت انها بدات تدريجيا فى النمو وذلك منذ الإنتخابات السابقة مجلس الشعب 2005

لا بد وان نوحد كلمتنا
فميت سلسيل ليست بأقل من البلدان المجاورة

ولن يفيد ميت سلسيل إلا رجل من أبنائها
ولن تتقدم إلا بسواعد أبنائها

وأتمنى كل التوفيق للأستاذ : حامد القدوسى فى الإنتخابات المقبلة
[/b][/color]