[b][color:150a=cyan]شباب تكلم في بنات وشباب بتعمل منتديات
شباب تصمم إستايلات وشباب عايشة في آهات
شباب في طاعة ربها تبات وشباب تخترق سيرفرات
شباب تبرمج اي بي كلاسات وشباب تنتحل شخصيات
شباب تعرب هاكات وشباب تصلح قواعد بيانات
شباب عالكيبورد تنام وتبات طول الليل تقضيها شات
وشباب كتير عندها إمتحانات مش هاممها تسقط وتعيد السنوات
وشباب منتداياتها أغاني وسينيمات وشباب تانية دعم وهاكات
وشباب تقولك أنا بعمل إفتكاسات ومواقعها كلها كليبات
والنت ياعالم بقي كله ماديات والعالم وصل للأجاكس والإسكربتات
وإحنا لسه بنعرب في منتديات وقال إيه بندور علي نزع أكواد التبليغات
ياناس فوقوا وبصوا للشركات تبرمج وتبيع وإحنا نقول هات
إتعودنا عالنوم والمخدات والعالم من الفجر تبيع في منتجات
ويندوز ولينوكس في إسطوانات وإحنا نبيع في شرايط مغنيين ومغنيات
رسولنا مقالش كده في الإسلاميات ده الدين تقوي وعمل وعبادات
وكله قاعد يتلكك ويقول ده التلفزيونات هي السبب هي والفضائيات
ده القمر بينقل ويجيب في قنوات وإنت بس اللي بتحدد المحتويات
عندك إقرأ والمجد والرسالات والناس والشارقة مليانين خيرات
وفيه يقولك المشكلة ف الكليات ميعرفش إن الطلبة فيها بالألوفات
فيهم الحلو والوحش وابن الذوات واللي يختار صاحبه عشان أيام الإمتحانات
الشاب دلوقتي بقت حياته منحنيات الجواز بقي عايز له مليارات
والشغل حتي عايز له واسطات والأكل والشرب عايز شئ وشويات
والمية والكهربا حتي التليفونات فواتير كبيرة تندفع بالميات
واللبس كل سنة يتغير ويقولك موضات مرة باجي ومرة مخصّر وأغرب عبايات
والمطاعم كل شوية تغير في الليستات سندوتشات ومحاشي وأنواع للكبسات
وأكل كله كيميائي ومليان ميكروبات وفيروسات بالكوم حتي إنفلونزات
فكرت أتكلم عن الكورة والرياضات ولا عن المواصلات والعربيات
ولا أقول ولا أحكي عن القطارات اللي يتحرق واللي يتقلب والعدد بالميات
أنا مش بحكي وأتكلم عن بلدنا والقطرات ده كمان فيه في السعودية وقطر والإمارات
عربيات بتتقلب وكأنها بالريموتات عشان شاب دماغه لسعت ولا شرب مخدرات
أحكي وأقول عن إيه تاني خلاص الوقت فات لا يمكن مفاتش وفاضل في العمر ساعات
إغتنمها يا مؤمن وكثف الدعوات عشان ربك يغفر لك ويفتح لك الجنات
دوس علي شيطانك وقوله اللي فات مات أنا دلوقتي لربي منزل الرحمات
دوس علي نفسك وهواك وكسر الشهوات نضف جهازك وموقعك ومتنساش الموبايلات
ده القرب من ربك أحسن من كل الملذات يغفر لك ويريحك ويزودك حسنات
وكفاية بقي اللي بيحصل في مواقعنا والماسنجرات دلوقتي لازم تحدد إنت من أنهي الفئات
كفاية بقي كترت في الكلمات أنا قلت بس أكتبها ديه مجرد توضيحات
يمكن ربنا يهدي بيها أصحاب الإستضافات ويبطلوا يستضيفوا مواقع أغاني وكليبات
مش مهم تعمل موقع برمجة أو إسلاميات أنا نفسي نعمل مواقع ترضي رب السماوات[/color][/b]



[b][color:150a=cyan]ياااعضائنا الكرام الهدف من الموضوع الضحك والفكاهه والنصيحه فى نفس الوقت[/color][/b]
[b][color:150a=cyan]تقبلوا تحياتى
[/color][/b]