مجلس الشعب والقمح والغاز وعم بدران البقال

هم كلمتين هاقولهم واهو الجو يستحمل كمان كلمتين مهو مليان كلام ...اذا كان الدور الذى يقوم به مجلس الشعب رقابى وتشريعى وخدمى اقتصر عند الناس والنواب على الاخير بس اقولهم المقولة المشهورة (اكلت يوم اكل الثور الاحمر ) بوضع ضمة على الالف فأخطر الادوار هو الرقابى والتشريعى عاوز تعرف ازاى اعرف ازاى اتمررت معاهدة تصدير الغاز لاسرائيل بربع التمن العالمى وبشرط جزائى على مصر فى حين انها معاهدة لم توقع من الرئيس مبارك فى نطاق اعمال السيادة التى ينفرد بها وكلمة ممنوعةها الدستور ولكن بموافقة اعضاء مجلسنا الموقر اللى عندى ثقة ان مفيش حد فيهم قرأ مافى المعاهدة طيب... القمح الليلة ليلة عيده يارب تبارك وتهد الظالم وتزيده لماذا القمح فى مصر ؟ صدق القائل من لا يملك قوته لا يملك قراره وصلت الرسالة دون تعليق الكل ماشاء الله فاهم ..... اللى مستغرب جدا منه ان الحكومة كدبها كان متدارى دلوقتى علنا يعنى قالوا إن الأجور الحد الأدنى لها 1200 جنيه والتنفيذ 2010 رجعوا قالوا لا اربعمائة جنيه مصرى فقط لاغير اللى يضحك إن اللى رضوا بالهم الهم مش راضى بهم وماحصلوش 400...مصر فى عهد ناصر كانت بلد صناعية وزراعية حديد وصلب حلوان والانتاج الحربى مصانع النسيج بالمحلة ..الخ والقطن المصرى طويل التيلة اللى اختفت بذوره .. المهم النهارده وانا باشترى من عم بدران ادور على منتج مصرى غير الحلويات والشيبسى مش لاقى ضحكت مع محمد ابنه وقلت له انا خايف مش ابرة الخياطة بس اللى صينى تطلع انت كمان صينى بس بتستهبل ... وعلى رأى عمنا صلاح جاهين ..وعجبى

ههههههههههههههههههه
والله هم بيبكى وهم يبكى برضه
اولا كل الشكر ليك يااستاذ هانى عالموضوع المعبر والساخر من اوضاعنا اللى بقت زى مابنقول لاترضى عدو ولا حبيب. طبعا تصدير الغاز وغلاء الاسعار ده شيء اعتدنا عليه وحكومتنا الموقرة اقلمتنا على الجو ده وبرضه لازم نتعود على قرارات الحكومة اللى مابتتنفذش وبعدين يااستاذ هانى لازم نستر عالحكومة شوية
وبخصوص الصين ..انا حاسة ان مصر فيها غزو صينى سواء منتجات او بشر
شعب الصين شعب مابيغلبش ناس عاوزة تعيش فبتنتج حتى بقوا يصدروا عرايس صينى ..مش عرايس لعبة دى عرايس حقيقية لاشبكة ولامهر ولااى حاجة من اللى خنقنا بيها نفسنا وبعدتنا عن تنفيذ تعاليم ديننا.

شكرا سندريلا ... على فكره الكلام فى السياسة معروف اخرته .. لكن الكلام عن العرايس الصينى بينى وبينك خطر واخرته اكياس وسكاكين ...بالمناسبة السفارة الصينية بالقاهرة نشرت تكذيب للخبر ده وقالت ان الاعلان اللى ظهر على الانترنت ده من قبيل الدعابة وليس صحيح

شكرا سندريلا ... على فكره الكلام فى السياسة معروف اخرته .. لكن الكلام عن العرايس الصينى بينى وبينك خطر واخرته اكياس وسكاكين ...بالمناسبة السفارة الصينية بالقاهرة نشرت تكذيب للخبر ده وقالت ان الاعلان اللى ظهر على الانترنت ده من قبيل الدعابة وليس صحيح

[color:5329=orange]طيب والله خير يااستاذ هانى ماحضرتك اكيد عارف ان مصر فيها 9 مليون عانس وشوية[/color]

شكرا يا استاذ هاني و ربنا يخليلنا الأشكال اللي من عينه المهندس المحتكر أحمد بيه عز أعره الله و يهلب من الشعب أسوه بزملائه المهلبتيه.
و ربنا ينجينا منهم حسبي الله و نعم الوكيل .

والله الرقم ده كبير على سمعى ياسندريلا بس خلينا نكون واقعيين احنا (الاهل) السبب فى ده الشباب المصرى غلبان لو سالتى اى شاب يعنى لازم يجى لك غسالتين ومايكروييف وتلاجتين ومروحتين وكمبيوتر وشاشة بلازما الخ هيقولك عاوزها من غير شنطة هدومها بس اخلص واتجوز واعصم نفسى فى زمن مهبب ...لكن الاهل بيصروا على المغالاة لازم شبكتها تكون زى بنت خالتها ماتقلش ولو مااتكلموا فى الشبكة يبقى لازم العفش من دمياط يعنى المغالاة بتكون من الناحيتين .. ناحية ممكنتجوز بنتين بدل بنت بالحاجات دى كلها وناحية عاوزه تنتقم وتسأل على شوار البنت ... ياريت نتمسك بتعاليمنا اكيد هنرتاح ومش هتلاقى الرقم الخطير ده ...وطبعا ماقدرش اتكلم ع الجوازة التانية فى تقليل نسبة العنوسة طبعا لو لها داعى لكن احنا اتفقنا ان فيه اكياس بلاستيك وربنا يجعل كلامنا خفيف عليهن

المشكلة يابو حميد مش فى المهندس احمد عز واشكاله المشكلة فينا احنا..... ابسط الامثلة :
حدث فى ميت سلسيل ان تبرع الحزب الوطنى لصندوق الخدمات بالمحافظة بمبلغ 2 مليون جنيه كخطة اضافية لميت سلسيل اتوزعوا للقرى والعزب ومدينة ميت سلسيل ماطالت حتى خفى حنين ... شخص ما كتب منشور وان كان اسلوبه صعب شوية او شويات فكان هناك رد فعل من مجلس المدينة والحزب ووعد المحافظ بإعادة التوزيع خصوصا ان فيه شرفاء فى ميت سلسيل وهم من التنفيذيين وليس الشعبيين بإرسال مذكرة للسيد المحافظ بما حدث وقابلها هناك المنشور فقرر المحافظ إعادة التوزيع لتفوزمدينة ميت سلسيل بأكثر من نصف المبلغ ...الموضوع سهل وبسيط اننا مانحنى رؤسنا ولا ندفنها فى الرمل نقاوم حتى الرمق الاخير

انا اسف ياجماعة التوزيع برده تم زى ماقلت فى الاول خفى حنين لميت سلسيل والباقى للعزب والقرى ....يعنى كلام السيد المحافظ زى ماسمعنا فى الميكرفون ليلة الانتخابات كلام فى شنك ....لامؤاخذة نسيت
هو المرحوم سعد زغلول قال ايه !!!!؟؟؟؟؟؟؟؟؟؟؟

غطيني ياصفيه مفيش فايده

[flash(960,745)][ندعوك للتسجيل في المنتدى أو التعريف بنفسك لمعاينة هذا الرابط]

هههههههههه... كنت هاقولها...هههههههههه