الجزء التانى والحلقة الاولى من عمارة مارجريت

تدخل كاميراتنا الى قسم شرطة النزهة
zoom in على رجل الظابط احمد
الظابط احمد: يااااااه .. النهاردة يوم متعب اوى
ويرن جرس التليفون
الظابط احمد: ألوو.. معاك الظابط احمد
المتحدث: ايوة.. فى هنا حادثة قتل فى 6 شارع جعفر والى...
تيت تيت تيت(واغلق السماعة فى وجه الظابط)
الظابط احمد: يوووووه ... اهو كل يوم على كدة.. كل يوم حد يتصل ونجرى ونروح وتطلع معاكسة... بس انا مش كل مرة هبقا عبيط واروح ... هع
وبعد خمس دقايق من نوم الظابط احمد فى المكتب سمع جرس التليفون... ترررررررررن
الظابط احمد:ايوة معاك الحابط اظمد.... اقصد الظابط احمد
المتحدث: تعالالى مكتبى حالا يا بنى آدم
الظابط احمد: مكتبك مين يا عسل.. هه
المتحدث: انا اللواء شوقى ابراهيم
الظابط احمد: اللوز مين يا معلم..هه
المتحدث: انا اللواء شوقى يا حيوان
الظابط احمد:يا نهارك اسود.. اقصد يانهارى انا الأسود... حاضر حاضر انا جاى يا باشا
وقام الظابط احمد واخذ يهندم ملابسه ويقول لنفسه
الظابط احمد: يا نهار اسود... ده انا شكلى هتظبط عالآخر وذهب احمد الى غرفة اللواء شوقى
وعندما دخل الى الغرفة كان وجه اللواء شوقى عبث وكأنه يحضر عقاب شديد للظابط احمد
اللواء شوقى: انت يا افندى كنت نايم.. صح؟؟
الظابط احمد: لا يا باشا.. ده انا بس كنت بفكر فى قضية مهمة..صدقنى يا باشا وعقلى مكانش مركز اوى ساعة اما حضرتك كلمتنى
اللواء شوقى: وهى القضية كانت عن اللوز يا حيوان
الظابط احمد: اوباااا .. شكل حضرتك زعلان منى اوى.. انا آسف
اللواء شوقى: آسف.. طيب بس استنا منى جزاء كبير... ايه القضايا الجديدة
الظابط احمد: لا كله معاكسات يا باشا
اللواء شوقى: انت بتستهبل.. معاكسات ايه؟؟
الظابط احمد: آه يا باشا ... اصل كل يوم بعد الساعة واحدة لازم فيه واحدة ست تتكلم وتقول ان فيه قتيل فى شقتها... بس صوتها حلو اووووووى سعادتك
اللواء شوقى: اه يعنى بتقضى نبتشيطك فى المعاكسات
الظابط احمد: لا بس النهاردة يا باشا كان فيه راجل وقالى ان فيه قتيل فى 6 شارع جعفر والى... تخيل يا افندم 6 شارع جعفر والى
اللواء شوقى: قوم يا حيوان وانت بتكلمنى... وبعدين انت بتضحك على ايه؟؟ صدقنى مش هرحمك لو مركزتش فى شغلك
وامر اللواء شوقى الظابط احمد ان يذهب الى العنوان المذكور اعلاه. ويبحث اذا كان الموضوع حقيقى ام لا

وذهب الظابط احمد الى المكان المذكور ...وعلم ان العمارة المقصودة هى عمارة آل مرجريت... وتلقى اتصالا هاتفيا من رقم غريب
الظابط احمد: الو .. معاك الظابط احمد.. مين معايا؟؟
المتحدث: انت مروحتش العنوان اللى قولتلك عليه ليه؟؟ انا مش اتصلت بيك فى مكتبك وقولتلك ان فيه قتيل فى 6 شارع جعفر والى
الظابط احمد: مين معايا.. وجبت رقمى منين؟؟؟
المتحدث: انا فاعل خير.. وعاوز اساعدك بدل ما تاخد جزاء يا حيوان
الظابط احمد: يا ابن الـ..........(حذفت للرقابة) طب والله لو عرفتك ما هرحمك
(تيت تيت تيت) اغلق المتحدث فى وجه احمد السكة
الظابط احمد: سرع يا ابنى على العنوان
وعندما دخل احمد الى عمارة يعقوبيان وصعد الى مكان الجريمة.. وجد الظلام يحل على كل شىء .. ولكن وجد اثار دم على الحائط.. ووجد خيال بنى آدم قد عبر من وراءه
فإلتفت بسرعة وراءه ولكنه وجد انه احد مساعدينه
فأمر رجاله بأن تتجول فى كل مكان فى الشقة وذهب هو الى غرفة النوم فوجد امرأة مقتولة فى الأرض ومكممة الفم ومكتفة اليد والرجل ولكنه اندهش من انه وجد عيناها جاحظتين وتنظران اليه .. وفجأة وجد يد توضع من وراءه على كتفه
فإلتفت بسرعة ووجده مساعده على
الظابط احمد: الله يحرقك .. قطعت خلفى
الظابط على: معلش يا باشا .. احنا لاقينا الورقة دى هناك جمب جثة الطفل
الظابط احمد: الطفل؟؟؟ هو فيه طفل كمان ... وكمان جثة ... يالله .. ايه الحادثة الجامدة دى
الظابط على: اتفضل يا باشا الورقة
فإلتقط احمد الورقة من على وبدأ ان يقرأها...
الظابط احمد: السلام عليكم.. انا القاتل .. وقتلت الست اللى جوه دى وكمان قتلت الطفل وقتلت الراجل اللى جوه .... وآداة الجريمة هتلاقيها فى المطبخ ... وسايبلك ذكرى فى قوضة المعيشة
واندفع الظابط احمد الى المطبخ فوجد السكينة ملقاه على الأرض وقد تجمد الدم عليها واخذ يبحث عن الذكرى فى غرفة المعيشة فوجد اصبع طويل ... انه اصبع القتيلة
الظابط احمد:مين الإنسان البشع ده..
وصرخ فى وجه رجاله وامرهم بعمل كل التحريات عن تلك القتيلة والطفل
وفى طريق عودة الظابط احمد الى منزله تلقى اتصالا هاتفيا
الظابط احمد: الووو. معاك الظابط احمد.. مين معايا؟
المتحدث: انا ؟؟ ما قولتلك فاعل خير.. بص يا معلم انا من رأيى متدورش فى القضية دى.. لأنك مش هتعرف توصل للقاتل
الظابط احمد: يا راجل.. بس دى جريمة قتل .. امال من رأى سعادتك كدة اعمل ايه؟
المتحدث: انا من رأيى المتواضع انك تأيدها ضد مجهول... وخلى بالك ..الست دى ليها شبح.عوووووووو
(تيت تيت تيت) واغلق الهاتف فى وجه الظابط احمد
فأدار الظابط احمد مسار سيارته وعاد الى مكتبه مرة اخرى... وقام بإجراء مكالمة تليفونية
الظابط احمد: الوو .. ازيك يا درش؟؟
درش: الحمدلله ياحمادة.. ايه حد يتصل بحد دلوقتى؟ عالعموم انا كنت كدة كدة صاحى
الظابط احمد: طيب يا سيدى ممكن طلب..؟؟ فيه واحد بيكلمنى من رقم غريب .. وعاوز اعرف الرقم ده منين؟؟
درش: هو له علاقة بأى جريمة عندك؟؟
الظابط احمد: ايوة .. فيه جريمة قتل فى عمارة آل مرجريت.. الدور التانى... وفيه واحد بيقولى تفاصيل غريبة وبيتهيألى ان له علاقة بالجريمة
درش: طب ادينى رقمه
الظابط احمد: 0440567089.......
درش: اوكى يا معلم .. هجيبلك قراره بكرة
واخذ الظابط احمد يفكر طوال الليل فى تلك القضية.. وفى اليوم التالى جاءه الظابط على واخبره التالى
ياترى اخبره ايه ؟
والى الحلقة القادمة ان شاء الله واتنمنى لكم قضاء وقت ممتع

تسلم ايدك يا اسلام
وننتظر منك المزيد والمزيد
مشكور

شكرا لردك الجميل بوبا