منتــدي الميــــدان المــلكي
عزيزي /عزيزتي ...زائر/ زائرة ...منتدي الميدان الملكي يهديكم اطيب التحيات ونتمني لكم قضاء وقت سعيد ومفيد ... اذا كنت عضوا بالمنتدي نرجوا منكم كتابة اسم العضو وكلمة السر الخاصة بك ، اذا كنت زائر فاهلا وسهلا بك وندعوك لتسجيل معنا بعد الاطلاع علي قوانين المنتدي فور تسجيلكم بالمنتدي تتلقون رسالة تفعيل الحساب علي بريدكم الالكتروني المسجل لدينا لتتمتع بصلاحيات الاعضاء المتميزه والمتنوعه وتسطيع التواصل مع صفحات التواصل الاجتماعي بكل سهوله ، من فضلك لا تبيح بكلمة السر الي اي شخص ، في حالة صادفك مشكلة في التسجيل او الدخول الي المنتدي من خلال ايقونة للاتصال بنا المتواجده اسفل المنتدي لا تترد في طلب المساعده فهناك من هو في خدمتكم وتقديم المساعده ... اسرة منتدي الميدان الملكي

انضم إلى المنتدى ، فالأمر سريع وسهل

منتــدي الميــــدان المــلكي
عزيزي /عزيزتي ...زائر/ زائرة ...منتدي الميدان الملكي يهديكم اطيب التحيات ونتمني لكم قضاء وقت سعيد ومفيد ... اذا كنت عضوا بالمنتدي نرجوا منكم كتابة اسم العضو وكلمة السر الخاصة بك ، اذا كنت زائر فاهلا وسهلا بك وندعوك لتسجيل معنا بعد الاطلاع علي قوانين المنتدي فور تسجيلكم بالمنتدي تتلقون رسالة تفعيل الحساب علي بريدكم الالكتروني المسجل لدينا لتتمتع بصلاحيات الاعضاء المتميزه والمتنوعه وتسطيع التواصل مع صفحات التواصل الاجتماعي بكل سهوله ، من فضلك لا تبيح بكلمة السر الي اي شخص ، في حالة صادفك مشكلة في التسجيل او الدخول الي المنتدي من خلال ايقونة للاتصال بنا المتواجده اسفل المنتدي لا تترد في طلب المساعده فهناك من هو في خدمتكم وتقديم المساعده ... اسرة منتدي الميدان الملكي
منتــدي الميــــدان المــلكي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتــــــدي الميــــــدان الملـــــــكي
 
facebook 
لك عقل تفكر به ولن يخدعك أحد
إقرأ وشاهد وفكر وتأمل وإستفت قلبك وإن افتوك

خدمــــــــات الميدان الملـــــــــــــكي
توقيت دول العالم مع الميدان الملكي

 
مواقيت الصلاة في منتدي الميدان الملكي

  

العب سدوكو مع الميدان الملكي
برامج تهمك




















.
مكتبة الصور


25 يــــنـــــايـــــــر الجزء الثانى Empty

25 يــــنـــــايـــــــر الجزء الثانى

اذهب الى الأسفل

هام 25 يــــنـــــايـــــــر الجزء الثانى

مُساهمة من طرف محمد حامد الأربعاء فبراير 15, 2012 2:09 pm



ثورة التحرير
25 يناير
فى التاريخ ده
كان شباب غاضب وثاير
قالوا بكفاية إللى حاصل
إحنا لو هنموت يامصر
والله لنكمل نواصل
إحنا فدا أرضك يامصر
ومخلصة فينا الضماير
شباب جميل و عظيم
وف جمعة متباركة
مكانوش تبع تنظيم
ولاحزب ولاحركة
بفكر وبمجهود عظيم
مع بعضهم شركا
قاموا سوا بتنظيم
ثورة وع البركة
كانوا يومها ملاييين مش مئات
كل الفئات كانت مشاركة
راحوا كلهم
وإتجمعوا ف تحرير
كانوا كلهم
عايزين سوا التحرير
بسلام وكل إلتزام
قالوا كلهم يسقط نظام
الطاعة والسمع
وكفوف الردع والقمع
والخوف وتكسير العظام
حالفين يكون للشعب دور
وتدور على الظلم الدواير

وبكرة هيقول التاريخ
عن إللى راحوا فى الميدان
وفدوا البلد
بنت وولد قسيس وشيخ
وألف واحد قال يامصر
تعيشى حتى ولو هموت
وألف مليون صوت لايمكن يتخرس
ف اليوم ده كان صوت الجرس
رنان قوى ويا الادان
عاليين أوى يسدوا الودان
وبيهتفوا ضد القذارة والفساد
والقهر والظلم إللى ساد
وقصادنا كان واضح وباين
وضد كل عميل وخاين
و كل ظالم كان مدان
فى اليوم ده كنا ف الميدان
متجمعين ومجمعين فيه بعضنا
وكأننا حزمة عيدان
وجنبى
كان أخويا المسيحى
فارس ولو من غير فرس
وف ضهرى
وقت ما أصلى ضهرى
كان درع ليا وكان حرس
لما الحرس والأمن حاربونى
ف صلاتى
رشونى بالمية وأنا
بصلى وأدعى لربنا
وأنا كنت واقف بين إيديه
ف دعايا ليه وتوسلاتى
وأنا فقت أهو من جهلى
من إمتى كانوا دول أهلى؟
والله لاكون ف كل شيئ
منهم برئ
وأقطع صلاتى
باللى مفيهوش خير لأهله
وإللى كان على أهله جاير
والله لهحارب وأناضل
طول مالفساد والظلم باقى
وطول مالسة ف عمرى فاضل
هكمل العمر إللى باقى
وأخلى زمن الظلم ذكرى
عشان سوا نحلم ببكرة
يكون بشكل جديد مغاير

25 يناير
فى التاريخ ده
إتبدلت كل المصاير
وإتحررت كل القصايد
وإتفك سجن قلوب بريئة
مبقتش مفتوحة المصايد
للى بيقول الحقيقة
للى كان رافض يساير
فى التاريخ ده
كافة الشعب إنتفض
ف لحظة قالوا عليها صعبة
هدد الشعب ورفض
يبقى ف إيدين حد لعبة
قالوا قلة وف الشباب
نار حقدهم داسين
وإللى عايزينها خراب
عملا و مندسين
قالوا أجندات دولية
بينهم ومش حاسين
جواسيس وأوساط دولية
قسموا الشباب نصين
خدعونا ف الاعلام
وقالولنا أى كلام
بيداروا بيه غلطتهم
حاولوا وضل السعى
وبكل خبرة ووعى
فهم الشباب خطتهم
وقفوا كما الشجعان
وقفة رجل واحد
كانوا كلهم شجعان
كانوا كلهم واحد
شعب وفقير وجعان
مع إنه أغنى الشعوب
رغم الدفا سقعان
رغم الأمان مرعوب
لكن فى يوم ما ثار
كان زي طوفان نار
رغم الفواصل مواصل
ومهما كان إللى حاصل
ماشى فى طريقه و ساير

25 يناير
فى التاريخ ده
عقلنا كان لسة حاير
شايفين و بس قصاد عنينا
وف البحور تايه قاربنا
مين لينا وإيدينه ف إيدينا
ومين علينا و بيحاربنا
مين ركب ع الموجة ف الهوجة
وهتف ويا إللى هتفوا
و إستغل ظروفنا ف الحوجة
عشان يوصل لهدفه
وإللى كان مش مننا وخوجة
وعلينا قدرنا حدفه
وقال يامصر بلهجة معوجة
وخدع كل إللى صادفه
قال دى بلدى وفيها ناسى
إللى عاش طول عمره برة
قال يعنى عامل فيها ناسى
وقال تعيشى يابلدى حرة
هى بلدك أنهى فيهم؟
إللى عشت العمر فيها
وألا بلدك إللى جاى بتنادى بيها؟
هما ناسك أنهو فيهم؟
إللى عشت العمر ليهم
وألا ناسك إللى جاى تضحك عليهم؟
إنت مين ؟ ومنين ؟
وإيه جنسيتك؟
قول لينا تطلع مين ؟
وفين شخصيتك؟
روح تانى بلدك والنبى
عيش فيها أو موت فيها
وإكتب فيها بكرة وصيتك
سيب بلدى وإرحل ياغبى
ومادمت عنها أجنبى
يبقى إنت فيها وبس زاير

25 يناير
فى التاريخ ده
الظلم بقى دخان وطاير
راح إللى بان جهله و على أهله
بيتواطئ
وإللى ف مساعدتهم ونجدتهم
بيتباطئ
ولما ضرب النار على الثوار
وكان خاطئ
رجعوله زي النمل عدد الرمل
ع الشاطئ
أعداد وملهاش حصر
من كل حتة ف مصر
بحر وعلى الشطين
جماهير سوا بتهتف
حتى التراب والطين
والله كان يهتف
لو كان في يوم ناطق
وأهو راحت الأملاك
وراحت الأطيان
وإتبدلوا الملاك
وفضلت الأوطان
من إمتى كان بيدوم الملك غير للى مالك؟
لو كات دامتلك يوم
مكانتش راحت ممالك
ربك مالكها ومازال
ولا عنها كان مشغول
وكل من له ملك زال
مماليك وفرس ومغول
قلب ف كتب التاريخ
فتش ودور تلاقى
حكايات طواها التاريخ
وخالقها هو إللى باقى
للعمر آخر و فرقة
وبيتسرق منا سرقة
لو تعمل الخير هتلقى
بس إوعى تعمل رزايل
دى الدنيا لو سلسبيل
ماشينها زي السبيل
والكل عابر سبيل
وكل من فيها زايل
وياعينى لو ترمشى
ف الرمشة موت وحياه
حتى إسألوا إللى مشى
عن حاجة خدها معاه
ده الدم كان للركب
وكتير على الموج ركب
وإللى إنتهك وإرتكب
فيكى يامصر الكباير
قولوا للشهيد إذا مات
وإللى من الأذى مات
مبروك على الأزمات
دى الجنة هى البشاير

25 يناير
فى التاريخ ده
كان شعب على أرضه غاير
لسة الكلام منتهاش
والماضى له علامات
مش كل من وطى عاش
ولا كل من علا مات
سألوا الشهيد إللى مات
ليه إبتسم لما مات؟
قال إفتكرت إللى مات
أمره إتحسم بالممات
لكنى عايش ولسة
هعيش وهتخلد
وف كل بيت ليا قصة
ف الجاى هتتقلد
الثورة كانت خلاص
من ظلم عاشه الناس
وأنا عن حياتها دافعت
وعشان يقول الزمن
قدمت روحى التمن
وبنفس راضية دفعت

الثورة للتحرير
أهدافها متقدسة
مش بس ف التحرير
ناس تبقى متكدسة
يامصر نلنا المراد
وبهرنا كل الكون
والشعب لو يوم أراد
لازم إرادته تكون
والظلم لما إتغلب
على أمره كان مغلوب
وياخوفى لا إللى غلب
يصبح ف يوم مغلوب
يارب كل الأمور
فيها إللى ظاهر وباطن
ولكل واحد دور
وأنا هبقى أول مواطن
إيد ويا إيد تتبنى
م البدلة للقفاطين
وإزاى نعلى البنا
والدار مسقفة طين
مادامتش يوم قبلنا
لملوك ولا سلاطين
سلا نفسه من قبلنا
إللى فى يوم سلا طين
يابلدى طينك دهب
بنوا ليه عليه العماير؟
وإللى إتسرق وإتنهب
تتعبى بيه الشكاير
دى مصر ليها الريادة
فى كل درب ومجال
وإذا كانت مصر ولادة
مصنع بيصنع رجال
فإزاى بقى ترابها باير؟
ــــــــــــــــــــــــــــــــــــــــــــــــــــ
حقوق الطبع والنشر محفوظه© 2011
محاسب محمد حامد
تمت
محمد حامد
محمد حامد
فرد حراسة

ذكر
عـــدد المساهمــــــات : 171

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى